អ្នកនាំពាក្យក្រសួងការបរទេសរុស្ស៊ី Maria Zakharova ។ រូបថត៖ aa.com.tr

នាថ្ងៃទី ១៩ ខែកក្កដាដែរ អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានប្រកាសថា ប្រសិនបើអនុស្សរណៈយោគយល់គ្នា (MoU) រវាងរុស្ស៊ី និងអង្គការសហប្រជាជាតិ (UN) ស្តីពីការនាំចេញគ្រាប់ធញ្ញជាតិ និងជីរបស់ប្រទេសនេះ មិនត្រូវបានអនុវត្តយ៉ាងពេញលេញក្នុងរយៈពេលបីខែខាងមុខ ទីក្រុងម៉ូស្គូនឹង មិនចរចាកិច្ចព្រមព្រៀងដើម្បីអនុញ្ញាតឱ្យនាំចេញគ្រាប់ធញ្ញជាតិរបស់អ៊ុយក្រែនតាមរយៈសមុទ្រខ្មៅឡើយ។

ក្រសួងការពារជាតិរុស្ស៊ីបានព្រមានថាចាប់ពីថ្ងៃទី ២០ ខែកក្កដា តទៅ កប៉ាល់ណាដែលធ្វើដំណើរទៅកាន់កំពង់ផែរបស់អ៊ុយក្រែនក្នុងសមុទ្រខ្មៅ នឹងត្រូវបានចាត់ទុកថាមានលទ្ធភាពផ្ទុកសម្ភារៈយោធា និងកប៉ាល់ដឹកទំនិញដែលព្យួរទង់ជាតិនៃប្រទេសណាមួយ នឹងត្រូវបានចាត់ទុកថាជាភាគីជម្លោះ។ ក្រសួងការពារជាតិរុស្ស៊ីបានបញ្ជាក់ថា តំបន់ភាគអាគ្នេយ៍និងភាគពាយ័ព្យនៃដែនទឹកអន្តរជាតិក្នុងសមុទ្រខ្មៅ ជាបណ្តោះអាសន្នមិនមានសុវត្ថិភាពសម្រាប់ការធ្វើនាវាចរណ៍។

ក្នុងពេលជាមួយគ្នានោះ មូលនិធិរូបិយវត្ថុអន្តរជាតិ (IFM) កាលពីថ្ងៃទី១៩ កក្កដាបានឲ្យដឹងដា ការដកខ្លួនរបស់រុស្ស៊ីចេញពីកិច្ចព្រមព្រៀងនាំចេញគ្រាប់ធញ្ញជាតិតាមរយៈសមុទ្រខ្មៅនឹងធ្វើឱ្យយថាទស្សន៍នៃសន្តិសុខស្បៀងអាហារពិភពលោកកាន់តែអាក្រក់ទៅៗ និងមានហានិភ័យបង្កើនអតិផរណាលើស្បៀងអាហារ ជាពិសេសសម្រាប់ប្រទេសនៅអាហ្វ្រិកខាងជើង មជ្ឈិមបូព៌ានិងអាស៊ីខាងត្បូង៕