នាថ្ងៃទី១៥ ខែមករា នាយករដ្ឋមន្រ្តីរដ្ឋាភិបាលវៀតណាមលោក Pham Minh Chinh បានផ្ញើរលិខិតទៅកាន់សាកលវិទ្យាល័យជាតិទីក្រុងហូជីមិញ។ ក្នុងលិខិតនេះ លោកនាយករដ្ឋមន្រ្តីបានកត់សម្គាល់ហើយអបអរសាទរចំពោះសាកលវិទ្យាល័យជាតិទីក្រុងហូជីមិញ ដែលជាមជ្ឈមណ្ឌលមួយក្នុងចំណោមមជ្ឈ មណ្ឌលបណ្ដុះបណ្ដាលថ្នាក់ឧត្តមសិក្សា ក្រោយឧត្តមសិក្សា និងស្រាវជ្រាវវិទ្យាសាស្ត្រ-បច្ចេកវិទ្យាពហុជំនាញ ពហុវិស័យ ប្រកបដោយគុណភាពខ្ពស់ មានលំដាប់អន្តរជាតិ ហើយដើរតួនាទីដ៏សំខាន់ក្នុងប្រព័ន្ធអប់រំថ្នាក់ឧត្តមសិក្សារបស់វៀតណាម។ ក្នុងឆ្នាំ ២០២១ ក្នុងបរិបទដែលជម្ងឺរាតត្បាតកូវីដ-១៩ វិវឌ្ឍន៍យ៉ាងស្មុគស្មាញនោះ សាលាបានពង្រឹងក្បាលម៉ាស៊ីនដឹកនាំ ម្ចាស់ការសម្របខ្លួន ផ្លាស់ប្ដូរវីធីសាស្ត្រនិងការងារបណ្ដុះបណ្ដាលឲ្យបានសមស្រប បន្តរក្សាចំណាត់ថ្នាក់ខ្ពស់នៅលើតារាងរៀបចំណាត់ថ្នាក់ប្រកបដោយកិត្យានុភាពនៅក្នុងតំបន់និងលើពិភពលោក។ លោកនាយករដ្ឋមន្រ្តីមានគោលបំណងហើយជឿជាក់ថា ក្នុងដំណាក់កាលអភិវឌ្ឍថ្មីជាមួយនឹងបញ្ហាប្រឈមនិងឱកាសជាច្រើននោះ សាកលវិទ្យាល័យជាតិទីក្រុងហូជីមិញនឹងពង្រីកថែមទៀតនូវស្មារតីខ្លួនទីពឹងខ្លួនដើម្បីឈានឡើងយ៉ាងខ្លាំងក្លា កសាងនិងអភិវឌ្ឍន៍សាលាក្លាយទៅជាប្រព័ន្ធសាកលវិទ្យាល័យមួយប្រកបដោយ “គុណភាពខ្ពស់” ស្ថិតនៅក្នុងក្រុមនាំមុខគេនៃទ្វីបអាស៊ីនិងលើពិភពលោក៕