នាព្រឹកថ្ងៃទី១៥ តុលា នាយករដ្ឋមន្រ្តីរដ្ឋាភិបាលវៀតណាមលោក Nguyen Xuan Phuc បានអញ្ជើញចូលរួមមហាសន្និបាតបក្សភាគទីក្រុង ហូជីមិញលើកទី១១។

យោងតាមរបាយការណ៍នៅមហាសន្និបាត ក្នុងរយៈពេល៥ឆ្នាំកន្លង ទៅ ទីក្រុងហូជីមិញនៅតែរក្សាបាននូវតួនាទីនាំមុខក្នុងខឿនសេដ្ឋកិច្ចជាតិ។ តាមការប៉ាន់ស្មាន កំណើនសេដ្ឋកិច្ចជាមធ្យមក្នុងដំណាក់កាល២០១៥-២០២០សម្រេចបានចំនួន៦,៤១% ស្រូបយក២២,២%នៃទំហំសេដ្ឋកិច្ចរបស់ ប្រទេសទាំងមូល ហើយរួមវិភាគទាន២៧%នៃថវិការដ្ឋ។ ទីក្រុងហូជីមិញក៏ ជាមជ្ឈមណ្ឌលឧស្សាហកម្មនិងសេវាកម្មធំបំផុតក្នុងប្រទេសផងដែរ។

លោកនាយករដ្ឋមន្រ្តី Nguyen Xuan Phuc អញ្ជើញថ្លែងនៅមហាសន្និបាតបក្សភាគទីក្រុងហូជីមិញ។ (រូបថត៖ VGP)

អញ្ជើញថ្លែងមតិបញ្ជាដឹកនាំនៅមហាសន្និបាត លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់ថា៖

“កសាងទីក្រុងហូជីមិញឲ្យក្លាយទៅជាទីក្រុងឆ្លាតវៃ ដែលអភិវឌ្ឍយ៉ាង ឆាប់រហ័ស ប្រកបដោយចីរភាព បន្តដើរតួនាទីនាំមុខក្នុងខឿនសេដ្ឋកិច្ចជាតិ ក្លាយទៅជាមជ្ឈមណ្ឌលសេដ្ឋកិច្ច ហិរញ្ញវត្ថុ ពាណិជ្ជកម្ម វិទ្យាសាស្ត្របច្ចេក វិទ្យានិងវប្បធម៌នៃតំបន់អាស៊ីអាគ្នេយ៍។ ទន្ទឹមនឹងនោះ ជំរុញយ៉ាងខ្លាំងក្លានូវ ការអភិវឌ្ឍវប្បធម៌ សមភាពសង្គម លើកកំពស់សុខុមាលភាពសង្គម កសាងគ្រួសារសុភមង្គល។ ភារកិច្ចនេះរបស់ទីក្រុងធ្ងន់ធ្ងរពិតមែនតែត្រចះត្រចង់ ណាស់។ ទីក្រុងហូជីមិញមានសក្ដានុភាពនិងឧត្តមភាពដែលគ្មាននៅកន្លែង ផ្សេងណាមួយទេ ដូចជាប្រភពធនធានមនុស្សប្រកប ដោយគុណភាពខ្ពស់ ការត្រួសត្រាយលើវិស័យវិទ្យាសាស្ត្របច្ចេកវិទ្យា ប្រព័ន្ធហេដ្ឋារចនាសម្ព័ន្ធ រីក ចម្រើននិងសម្បូរទៅដោយសក្ដានុភាព ព្រមទាំងឧត្តមភាពក្នុងវិស័យ សំខាន់ៗដូចជាឧស្សាហកម្ម សេវាកម្ម កសិកម្មដោយអនុវត្តបច្ចេកវិទ្យាខ្ពស់ ទេសចរណ៍និងទីក្រុងឆ្លាតវៃ”។

ក្នុងអាណត្តិ២០២០-២០២៥ បក្សភាគទីក្រុងហូជីមិញប្ដេជ្ញាចិត្តកសាង និងអនុវត្តកម្មវិធីលោតផ្លោះចំនួន៣លើវិស័យ៖ គ្រប់គ្រងទីក្រុង អភិវឌ្ឍ ហេដ្ឋារចនាសម្ព័ន្ធនិងអភិវឌ្ឍធនធានមនុស្សនិងវប្បធម៌៕