ប្រធានរដ្ឋវៀតណាមលោក Nguyen Xuan Phuc ថ្លែងនៅជំនួបធ្វើការ។

នាព្រឹកថ្ងៃទី៣០ ខែកក្កដា ក្នុងជំនួបធ្វើការជាមួយថ្នាក់ដឹកនាំទីក្រុងហូជីមិញ តាងនាមថ្នាក់ដឹកនាំបក្សនិងរដ្ឋ ប្រធានរដ្ឋវៀតណាមលោក Nguyen Xuan Phuc បាន ផ្ញើរសេចក្ដីសាកសួរសុខទុក្ខជូនប្រជាជនទីក្រុងហូជីមិញនិងខេត្តក្រុងចំនួន១៨ផ្សេងទៀតនៅតំបន់ភាគខាងត្បូង ដែលកំពុងជួបការលំបាកយ៉ាងខ្លាំងដោយជម្ងឺរាតត្បាត កូវីដ ១៩។ លោកប្រធានរដ្ឋបានលើកសរសើរថ្នាក់ដឹកនាំ ប្រព័ន្ធនយោបាយនៃទីក្រុង ដែលមានការសម្រេចចិត្តដ៏សម្បូរបែបនិងទាន់ពេលវេលា ដើម្បីបង្ការទប់ស្កាត់ជម្ងឺរាត ត្បាត ព្រមទាំងអនុវត្តន៍គោលនយោបាយសុខុមាលភាពសង្គម កសាងដោយទាន់ ពេលវេលាមន្ទីរពេទ្យបណ្ដោះអាសន្នទ្រង់ទ្រាយធំចំនួន១៦ ដោយមានចំនួនគ្រែពេទ្យ សរុបឡើងដល់៥ម៉ឺនគ្រែ។ លោកប្រធានរដ្ឋបានលើកឡើងភារកិច្ចចម្បងបង្អស់ចំពោះ ទីក្រុងហូជីមិញយ៉ាងដូច្នេះថា៖         “គោលដៅចម្បងបង្អស់និងសំខាន់បំផុតនាគ្រានេះ គឺការពារសុខភាពនិងសុវត្ថិ ភាពរបស់ប្រជាជនទីក្រុង កាត់បន្ថយជាអតិបរមានូវចំនួនករណីស្លាប់។ យើងមាន អត្រាស្លាប់ទាបបើធៀបនឹងពិភព លោក ប៉ុន្តែដើម្បីអាយុជីវិតរបស់ប្រជាជន យើងមិន អនុញ្ញាតឲ្យកើតមានករណីនោះទេ។ ដូច្នេះ ត្រូវប្រមូលផ្ដុំប្រភពធនធានទាំងអស់ ដើម្បីដោះស្រាយបញ្ហានេះតែម្ដង។ ចំណែកឯការងារបង្ការទប់ស្កាត់ការឆ្លងរាលដាល គឺបន្តអនុវត្តន៍សារាចរណ៍លេខ១៥ លេខ១៦របស់នាយករដ្ឋមន្រ្តីរដ្ឋាភិបាល។ អនុវត្តន៍ ឲ្យបានម៉ឺងម៉ាត់ពីលើចុះក្រោម ទៅកាន់ផ្ទះនីមួយៗ ត្រួតពិនិត្យមនុស្សម្នាក់ គឺប្រាកដថា នឹងគ្រប់គ្រងបាន”។

លោកប្រធានរដ្ឋក៏បានសង្កត់ធ្ងន់ដែរថា ការរក្សាគម្លាតសង្គមត្រូវផ្សាភ្ជាប់នឹងការ ទំនុកបម្រុងជីវភាពរបស់ប្រជាជន ប្ដេជ្ញាមិនទុកឲ្យប្រជាជនអត់ឃ្លាននោះឡើយ៕