លោកប្រធានរដ្ឋ Nguyen Xuan Phuc អញ្ជើញជួបធ្វើការជាមួយមជ្ឈិមសមាគមន៍មេធាវីវៀតណាម
(VOVWORLD) - នាព្រឹកថ្ងៃទី ២១ មេសា នៅទីក្រុងហាណូយ ប្រធានរដ្ឋវៀតណាម លោក Nguyen Xuan Phuc ប្រធានគណៈកម្មាធិការមជ្ឈិមដឹកនាំកំណែទម្រង់ប្រព័ន្ធយុត្តិធម៌ បានជួបធ្វើការជាមួយគណៈ កម្មាធិការបក្ស និងគណៈអចិន្រ្តៃយ៍នៃមជ្ឈិមសមាគមន៍ មេធាវីវៀតណាម។
 (រូបថត៖ VOV) |
ទាក់ទិនដល់លទ្ធផលប្រតិបត្តិការរបស់សមាគមន៍ ក្រោយរយៈពេល២០ឆ្នាំ អនុវត្តន៍សារាចរណ៍របស់ការិយាល័យនយោបាយ ស្តីពីការបង្កើនការដឹកនាំរបស់បក្ស ចំពោះការងាររបស់សមាគមន៍ លោកប្រធានរដ្ឋបានវាយតម្លៃខ្ពស់ចំពោះការងារ កសាង និងអភិវឌ្ឍនៃសមាគមន៍ ក្នុងនោះការងារចូលរួមកសាងនិងសុក្រិតគោល នយោបាយ និងច្បាប់ត្រូវបានជំរុញយ៉ាងខ្លាំងដោយទម្រង់ វិធីសាស្រ្ត ប្រកបដោយ គុណភាព និងសម្បូរបែប។
លោកប្រធានរដ្ឋក៏បានកត់សម្គាល់នូវលទ្ធផលវិជ្ជមាននៃការងារផ្ដល់ប្រឹក្សាផ្នែកច្បាប់ ជំនួយ គតិយុត្ត ក៏ដូចជាការចូលរួមក្នុងការសម្របសម្រួលនៅមូលដ្ឋានដែល ត្រូវបានអនុវត្តន៍ក្រោមវិធីជាច្រើនផងដែរ។ អំពីទិសដៅនិងភារកិច្ចនាពេលខាងមុខ លោកប្រធានរដ្ឋ Nguyen Xuan Phuc បានស្នើឲ្យបន្តធ្វើស្ថាប័នភាវូបនីយកម្មនូវទស្សនៈ និងគោលជំហររបស់បក្សចំពោះ ការងាររបស់សមាគមន៍។ ក្រៅពីនោះ ត្រូវបន្តច្នៃប្រឌិត លើកកំពស់គុណភាព ប្រសិទ្ធ ភាពប្រតិបត្តិការ របស់សមាគមន៍មេធាវីវៀតណាមគ្រប់លំដាប់ថ្នាក់ ក្នុងការចូលរួម កសាងគោលនយោបាយ ច្បាប់ ក៏ដូចជាការឃ្លាំមើល បដិវាទសង្គម ផងដែរ៕