ប្រធានរដ្ឋវៀតណាមលោក Nguyen Xuan Phuc ថ្លែងនៅក្នុងជំនួបសំណេះសំណាលជាមួយម្ចាស់ឆ្នោតនៅទីក្រុងហូជីមិញ។ (រូបថត៖ TTXVN)

នៅព្រឹកថ្ងៃទី១៦ ខែវិច្ឆិកា នៅទីក្រុងហូជីមិញ ប្រធានរដ្ឋវៀតណាមលោក Nguyen Xuan Phuc រួមជាមួយគណៈប្រតិភូសមាជិករដ្ឋសភាទីក្រុងហូជីមិញ មណ្ឌល បោះឆ្នោតលេខ១០ បានអញ្ជើញជួបសំណេះសំណាលជាមួយម្ចាស់ឆ្នោតនៅស្រុក Cu Chi និង Hoc Mon។ ថ្លែងនៅទីនេះ លោកប្រធានរដ្ឋ Nguyen Xuan Phuc បានចែក រំលែកជាមួយការបាត់បង់ដ៏ធំធេងរបស់បក្សភាគ រដ្ឋបាលនិងប្រជាជនទីក្រុងហូជីមិញ រួមទាំងស្រុក Cu Chi និង Hoc Mon ដោយការផ្ទុះរាលដាលនៃជម្ងឺកូវីដ-១៩នាពេល កន្លងមក។ លោកប្រធានរដ្ឋ Nguyen Xuan Phuc បានលើកសំណើរថា៖

“ស្រុក Cu Chi និង Hoc Mon បន្តអនុវត្តន៍ឲ្យបានល្អនូវភារកិច្ចបង្ការទប់ស្កាត់ជម្ងឺ រាតត្បាត ក្នុងនោះមានសេចក្ដីសម្រេចចិត្តលេខ១២៨របស់រដ្ឋាភិបាល។ ក្នុងនោះ ចាំបាច់ត្រូវប្រែគោលដៅ២ដើរទន្ទឹមគ្នា ក្លាយទៅជាគោលដៅតូចៗនិងជាក់លាក់នៅ តាមមូលដ្ឋាននីមួយៗ ដូចជា កំណើនសេដ្ឋកិច្ច ចិត្តសាស្ត្រសង្គម សុខុមាលភាពសង្គម សមត្ថភាពស្ដារឡើងវិញ និងការឆ្លៀតយកឱកាស ជាដើម។ បណ្ដាខ័ណ្ឌ ស្រុក គឺជា កត្តាដ៏សំខាន់ក្នុងការអនុវត្តគោលនយោបាយ ដូច្នេះគួរតែមានផែនការលម្អិតដើម្បី ដោះស្រាយគោលដៅនានា ក្នុងនោះបន្តគ្រប់គ្រងជម្ងឺរាតត្បាតឲ្យបានល្អដើម្បីអភិវឌ្ឍ សេដ្ឋកិច្ចសង្គម”៕