លើកសរសើរ "យុទ្ធជនកុមារ Dien Bien" ទូទាំងប្រទេសលើកទី ៥ ឆ្នាំ ២០២៤

នាយប់ថ្ងៃទី ២៥ មេសា នៅទីលានទីក្រុង Dien Bien Phu (ខេត្ត Dien Bien) មជ្ឈិមសម្ព័ន្ធយុវជនកុម្មុយនិស្តហូជីមិញ បានសហការជាមួយក្រុមប្រឹក្សាសម្ព័ន្ធយុវជនមជ្ឈឹមរៀបចំកម្មវិធីលើកសរសើរ “យុទ្ធជនកុមារ Dien Bien” លើកទី៥ ឆ្នាំ២០២៤។ កម្មវិធីនេះស្ថិតក្នុងក្របខ័ណ្ឌនៃមហោស្រព "យុទ្ធជនកុមារ Dien Bien" ទូទាំងប្រទេស សំដៅឆ្ពោះទៅរំលឹកខួបលើកទី ៧០ នៃជ័យជំនះ Dien Bien Phu ( ៧ ឧសភា ១៩៥៤ - ៧ ឧសភា ២០២៤) ។

នៅក្នុងមហោស្រពនេះ គណៈលេខាមជ្ឈឹមសម្ព័ន្ធយុវជនបានសម្រេចចិត្តប្រគល់បណ្ណសរសើររបស់គណៈកម្មាធិការមជ្ឈិមសម្ព័ន្ធយុវជនជូនយុទ្ធជនកុមារ Dien Bien ឆ្នើមទូទាំងប្រទេសចំនួន  ៧០ នាក់ ក្រុមប្រឹក្សាសម្ព័ន្ធយុវជនមជ្ឈឹមបានសម្រេចចិត្តប្រគល់ប័ណ្ឌសរសើរជូនយុទ្ធជនកុមារ Dien Bien ឆ្នើមចំនួន ១៣០ នាក់។

នៅក្នុងកម្មវិធីនេះ កុមារចំនួន ២០០ នាក់បានចូលរួមមហោស្រព "យុទ្ធជនកុមារ Dien Bien" ហើយកុមារខេត្ត Dien Bien ចំនួន ៣០០ នាក់ បានបង្កើតឯកទគ្គកម្មវៀតណាមជាមួយ "ការសំដែងរបាំ Xoe ដែលមានការចូលរួមរបស់កុមារមកពីខេត្តក្រុងទាំង ៦៣" សម្ដែងអបអរសាទរខួបលើកទី ៧០ នៃជ័យជំនះ Dien Bien Phu៕