ទិដ្ឋភាពនៃសន្និសីទ (រូបថតៈ ក្រសួងការបរទេស)

នៅទីនេះ លោកឯកអគ្គរដ្ឋទូត Duong Chi Dung បានសង្កត់ធ្ងន់ អំពីសារៈសំខាន់នៃកិច្ចសហប្រតិបត្តិការក្នុងក្របខ័ណ្ឌនៃយន្តការពហុភាគី ដើម្បីដោះស្រាយរាល់បញ្ហារួមចំពោះសន្តិភាពនិងសន្តិសុខអន្តរជាតិ ដោយបញ្ជាក់ពីកិច្ចខិតខំប្រឹងប្រែងរបស់វៀត ណាមដែលចូលរួមយ៉ាងសកម្មនិងមានទំនួលខុសត្រូវនៅក្នុងការងាររបស់សហគមន៍អន្តរជាតិលើវិស័យនេះ។ ឯកអគ្គរដ្ឋទូតបានសម្តែងនូវក្តីសង្ឃឹមថា បណ្តាប្រទេសជាសមាជិកនឹងបង្ហាញនូវឆន្ទៈរបស់ខ្លួន ដោយរួមចំណែកដើម្បីជំរុញឲ្យសន្និសីទសម្រេចបាននូវលទ្ធផលល្អប្រសើរបំផុត។

ក្នុងការពិភាក្សា បណ្ដាប្រទេសបានសម្តែងនូវការរំពឹងទុករបស់ខ្លួនអំពីអាណត្តិជាប្រ ធាន CD របស់វៀតណាម ដោយអះអាងនូវការគាំទ្ររបស់ខ្លួនចំពោះគំនិតផ្តួចផ្តើមនិងកិច្ចខិតខំប្រឹងប្រែងរបស់វៀតណាម និងត្រៀមជាស្រេច សហការគ្នាដើម្បីជំរុញកិច្ចការនៃសន្និសីទនេះ។ បណ្ដាប្រទេសបានស្វាគមន៍ចំពោះគំនិតផ្តួចផ្តើមរបស់  វៀតណាមក្នុងការអញ្ជើញអគ្គលេខាធិការអាស៊ានឱ្យចូលរួមនិងថ្លែងសុន្ទរកថានៅក្នុងសន្និសីទ ដោយបានកោតសរសើរពីតួនាទីនិងការចូលរួមរបស់អង្គការក្នុងតំបន់រួមទាំងអាស៊ានក្នុងវិស័យរំសាយសព្វាវុធនិយាយដោយឡែកនិងការរក្សាសន្តិភាព សន្តិសុខអន្តរជាតិនិយាយរួម៕