គិតចាប់ពីឆ្នាំ ១៩៩២ ជាពេលដែលប្រទេសទាំងពីរបានបង្កើតទំនាក់ទំនងការទូត នោះទំហំពាណិជ្ជកម្មទ្វេភាគីរវាងកូរ៉េខាងត្បូង និងវៀតណាមសព្វថ្ងៃនេះបានកើនឡើងជិត ១៦០ ដង ពោលគឺពីកម្រិត ៥០០ លានដុល្លារឡើងដល់ជិត ៨០ ពាន់លានដុល្លារ។

យោងតាមលោក Bae Yong Geun អតីតអនុប្រធានសភាពាណិជ្ជកម្មនិងឧស្សាហកម្មកូរ៉េខាងត្បូងនៅវៀតណាមបានឲ្យដឹងថា នាពេលកន្លងទៅ ធុរកិច្ចកូរ៉េខាងត្បូងបានចាត់ទុកវៀតណាមជាមូលដ្ឋានផលិតកម្មខ្នាតធំសម្រាប់ផលិតកម្មដែលប្រើប្រាស់កម្លាំងពលកម្មច្រើន។ ប៉ុន្តែបច្ចុប្បន្ននេះ និងទៅអនាគត គេរំពឹងថា អាជីវកម្មកូរ៉េខាងត្បូងនឹងជំរុញការវិនិយោគនិងកិច្ចសហប្រតិបត្តិការលើវិស័យដែលមានតម្លៃបន្ថែមខ្ពស់ ដូចជា៖ បច្ចេកវិទ្យាខ្ពស់ ថាមពល ហិរញ្ញវត្ថុ-ធនាគារ ការទិញ-លក់ និងការរួមបញ្ចូលគ្នានៃអាជីវកម្ម សេវាកម្ម។ល។

លោក Do Nhat Hoang ប្រធាននាយកដ្ឋានវិនិយោគបរទេស ក្រសួងផែនការ និងវិនិយោគបានចែករំលែកថា៖ “នាពេលថ្មីៗនេះ និន្នាការវិនិយោគរបស់ធុរកិច្ចកូរ៉េខាងត្បូងគឺ បច្ចេកវិទ្យាឌីជីថល អេឡិចត្រូនិច ថាមពលស្អាត សេដ្ឋកិច្ចបៃតង ការផ្លាស់ប្តូរឌីជីថល និងការច្នៃប្រឌិត។ ទាំងនេះគឺជាវិស័យដែលកូរ៉េខាងត្បូងកំពុងឈានមុខគេនៅលើពិភពលោក។ វៀតណាមក៏ប្ដេជ្ញាចិត្តឈានទៅមុខក្នុងការអភិវឌ្ឍន៍សេដ្ឋកិច្ចបៃតង សេដ្ឋកិច្ចឌីជីថល និងនវានុវត្តន៍។ ដូច្នេះហើយ សក្ដានុពល និងនិន្នាការវិនិយោគរបស់កូរ៉េខាងត្បូងគឺសមស្របនឹងយុទ្ធសាស្ត្រទាក់ទាញការវិនិយោគប្រកបដោយគុណភាពខ្ពស់របស់វៀតណាម។ ក្រសួងផែនការនិងវិនិយោគ បាន កំពុង និងតែងតែអមដំណើរជាមួយវិនិយោគិន ដើម្បីគាំទ្រ និងជំរុញលំហូរមូលធនរបស់កូរ៉េខាងត្បូងឱ្យកាន់តែខ្លាំងឡើងៗ”៕