វ៉ាក់សាំង Covivac របស់វៀតណាម។ (រូបថត៖ VNA)

នៅឯកិច្ចប្រជុំតាមប្រព័ន្ធវីដេអូរបស់ក្រុមការងារពិសេសទទួលបន្ទុកការស្រាវជ្រាវការសាកល្បងគ្លីនិកនិងអភិវឌ្ឍវ៉ាក់សាំងបង្ការកូវីដ ១៩ កាលពីថ្ងៃទី១៧ ខែកក្កដា លោកសាស្ត្រាចារ្យ បណ្ឌិត Tran Van Thuan អនុរដ្ឋមន្រ្តីក្រសួងសុខាភិបាលបានសង្កត់ធ្ងន់ថា វៀតណាមខិតខំក្នុងឆ្នាំ២០២១នេះ មានវ៉ាក់សាំងកូវីដ ១៩ ក្នុងស្រុកយ៉ាងហោចណាស់ ១ ប្រភេទត្រូវបានផលិតប្រកបដោយជោគជ័យ។

លោកអនុរដ្ឋមន្រ្តីបានឲ្យដឹងថា នាយករដ្ឋមន្រ្តីរដ្ឋាភិបាលបានអញ្ជើញជំនាញការ WHO មកជួយគាំទ្រវៀតណាមក្នុងការស្រាវជ្រាវ ផលិតវ៉ាក់សាំង ដើម្បីធ្វើយ៉ាងណាផលិតបានវ៉ាក់សាំងក្នុងប្រទេសក្នុងពេលឆាប់ៗ សំដៅធានា “ភាពម្ចាស់ការលើប្រភពវ៉ាក់សាំងសម្រាប់បម្រើតម្រូវការរបស់ប្រជាជន”។

លោកអនុរដ្ឋមន្រ្តី Tran Van Thuan បានស្នើឲ្យសមាជិកទាំងអស់នៃក្រុមការងារពិសេស ពង្រីកឲ្យអតិបរមានូវសមត្ថភាពនិងការទទួលខុសត្រូវក្នុងការងារ។ ក្រុមការងារពិសេសត្រូវបានបង្កើតឡើងក្នុងគោលដៅជួយគាំទ្រជាអតិបរមាដល់ការស្រាវជ្រាវ ផលិតវ៉ាក់សាំងបង្ការកូវីដ ១៩ ក្នុងប្រទេស ដោយមានបាវចនាម្ចាស់ការ បត់បែន ទីណាដែលអង្គភាពត្រូវការ ជំនាញការនៃក្រុមការងារពិសេសនឹងជួយគាំទ្រនៅទីនោះ៕