លោកឧបនាយករដ្ឋមន្ត្រីវៀតណាម Le Minh Khai បានអញ្ជើញជួបធ្វើការជាមួយអគ្គនាយករង WTO លោក Zhang Xiangchen

នៅក្នុងជំនួបនេះ លោកឧបនាយករដ្ឋមន្ត្រី Le Minh Khai បានអះអាងថា វៀតណាមគោរពមជ្ឈភាពរបស់ WTO ក្នុងការជំរុញប្រព័ន្ធពាណិជ្ជកម្មពហុភាគីបើកចំហ តម្លាភាព និងផ្អែកលើច្បាប់ លុបបំបាត់របាំងពន្ធគយ ប្រឆាំងនឹងលទ្ធិគាំពារនិយមពាណិជ្ជកម្ម ហើយលោកមានគោលបំណងថា WTO នឹងបន្តពង្រីកតួនាទីសម្របសម្រួល សំដៅជំរុញពាណិជ្ជកម្មសកលតាមទិសដៅបរិយាប័ន្ន តុល្យភាព រួមចំណែកស្ដារកំណើនសេដ្ឋកិច្ចឡើងវិញ។ លោកឧបនាយករដ្ឋមន្ត្រីបានលើកសំណើរថា ដំណើរការធ្វើកំណែទម្រង់ WTO ចាំបាច់ត្រូវធានាតុល្យភាពសិទ្ធិ និងកាតព្វកិច្ច ឲ្យសមស្របទៅនឹងកម្រិតអភិវឌ្ឍន៍ និងសមត្ថភាពអនុវត្តន៍របស់សមាជិកនានា។ វៀតណាមក៏បានរួមចំណែកយ៉ាងសកម្មក្នុងការពិភាក្សាអំពីសន្តិសុខស្បៀងនៅវេទិកាសេដ្ឋកិច្ចពិភពលោក (WEF) Davos ២០២២ ដោយអះអាងថា វៀតណាមនឹងបន្តជាសមាជិកប្រកបដោយមានការទទួលខុសត្រូវក្នុងបញ្ហាសន្តិសុខស្បៀងអាហារ រួមចំណែកទៅក្នុងលទ្ធផលរួមនៃសន្និសីទថ្នាក់រដ្ឋមន្ត្រី WTO នាពេលខាងមុខ។

ជាការឆ្លើយតប អគ្គនាយករង WTO លោក Zhang Xiangchen មានគោលបំណងថា វៀតណាមបន្តរួមចំណែកយ៉ាងសកម្មទៅក្នុងដំណើរការពិភាក្សានៅសន្និសីទថ្នាក់រដ្ឋមន្ត្រី WTO លើកទី១២ នាខែមិថុនាខាងមុខ សំដៅសម្រេចឲ្យបានលទ្ធផលជាក់ស្ដែង ជាពិសេសគឺលើវិស័យជលផល និងកសិកម្ម ហើយតាមនោះរួមចំណែក ជំរុញពាណិជ្ជកម្មសកលផងដែរ៕