ជាក់ស្តែង ការនាំចេញទំនិញរបស់កម្ពុជាមកវៀតណាមសម្រេចបានជាង ៨០១ លានដុល្លារ ខណៈដែលប្រទេសនេះបាននាំចូលទំនិញពីវៀតណាម ដោយមាន តម្លៃជាង ៦១២ លានដុល្លារអាមេរិក។

ជាមួយនឹងតួរលេខខាងលើ វៀតណាមមិនត្រឹមតែជាដៃគូពាណិជ្ជកម្មដ៏ធំបំផុត របស់កម្ពុជាក្នុងសមាគមប្រជាជាតិអាស៊ីអាគ្នេយ៍ (អាស៊ាន) ប៉ុណ្ណោះទេ ថែមទាំងជា ដៃគូពាណិជ្ជកម្មធំទីពីរលើពិភពលោករបស់កម្ពុជា បន្ទាប់ពីប្រទេសចិនផងដែរ។

លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃបណ្ឌិតសភាកម្ពុជា បាន វាយតម្លៃខ្ពស់ចំពោះទំនាក់ទំនងពាណិជ្ជកម្មដ៏រឹងមាំរវាងកម្ពុជា និងវៀតណាម ដោយ ចាត់ទុកថា ប្រការនេះគឺចាំបាច់និងមានអត្ថន័យបំផុត ជាពិសេសនៅក្នុងគ្រាដែលមាន បញ្ហាប្រឈមផ្នែកនយោបាយ និងសេដ្ឋកិច្ចលើទូទាំងពិភពលោក។ លោកបណ្ឌិត គី សេរីវឌ្ឍន៍ ក៏បានធ្វើអត្ថាធិប្បាយផងដែរថា ជាមួយនឹងភូមិសាស្ត្រជិតគ្នា និងទំនាក់ ទំនងជិតស្និទ្ធរវាងរដ្ឋាភិបាលនិងវិស័យឯកជន ពាណិជ្ជកម្មរវាងកម្ពុជា និងវៀតណាម នឹងកាន់តែរីកចម្រើនបន្ថែមទៀតនាពេលអនាគត៕