ពលរដ្ឋវៀតណាមចំនួន ៣៣៨នាក់ នៅមីយ៉ាន់ម៉ា បានត្រឡប់មកប្រទេសវិញដោយសុវត្ថិភាព នៅថ្ងៃទី៤ ខែធ្នូ ឆ្នាំ២០២៣។ រូបភាព៖ ក្រសួងការបរទេស

មុននោះ ដើម្បីធានាបាននូវសុវត្ថិភាពជាអតិបរមាសម្រាប់អាយុជីវិតរបស់ប្រជាពលរដ្ឋ ក្នុងបរិបទនៃស្ថានការណ៍ដ៏ស្មុគស្មាញនៅប្រទេសមីយ៉ាន់ម៉ា ក្រសួងការបរទេសវៀតណាមបានសម្របសម្រួលជាមួយអាជ្ញាធរក្នុងស្រុក និងភ្នាក់ងារតំណាងរបស់វៀតណាមនៅឯបរទេស ព្រមទាំងរដ្ឋាភិបាលប្រទេសសាមី និងប្រទេសដៃគូនានា រៀបចំផែនការនាំប្រជាពលរដ្ឋវិលត្រឡប់មកផ្ទះវិញ។ រាល់ការចំណាយសម្រាប់នាំពលរដ្ឋមកផ្ទះវិញ គឺរដ្ឋាភិបាលវៀតណាមជាអ្នកចំណាយ។

មកទល់ពេលនេះ ស្ថានទូតវៀតណាមប្រចាំប្រទេសមីយ៉ាន់ម៉ាបានធ្វើស្ថិតិ ពលរដ្ឋវៀតណាមជាង ៨០០នាក់ ដែលបានទទួលឯកសារធ្វើដំណើរ និងមានលក្ខណៈគ្រប់គ្រាន់ដើម្បីត្រឡប់មកប្រទេសវិញ។ ក្រុមទី១ បានត្រឡប់មកប្រទេសវិញកាលពីថ្ងៃទី ៤ ខែធ្នូ ភាគច្រើនជាក្មេងជំទង់ ទារក និងស្ត្រីមានផ្ទៃពោះ៕