ក្នុងជំនួបធ្វើការជាមួយអគ្គនាយកអង្គការកម្មសិទ្ធិបញ្ញាពិភពលោក (WIPO) លោក Daren Tang នាថ្ងៃទី ១៣ ខែកក្កដា និងថ្លែងក្នុងសម័យប្រជុំលើកទី ៦៣ នៃមហាសន្និបាត WIPO នាថ្ងៃទី ១៤ ខែកក្កដា លោករដ្ឋមន្ត្រី Huynh Thanh Dat បានសង្កត់ធ្ងន់ថា ក្នុងនាមជាសមាជិក WIPO វៀតណាម ត្រៀមខ្លួនជាស្រេច ចូលរួមអនុវត្តន៍គំនិតផ្តួចផ្តើមរួមគ្នារបស់ WIPO ក្នុងការជួយឧបត្ថម្ភគាំទ្រគ្នាស្តារឡើងវិញក្រោយជំងឺរាតត្បាតកូវីដ-១៩ សម្របសម្រួលភាគីពាក់ព័ន្ធក្នុងប្រព័ន្ធអេកូឡូស៊ីកម្មសិទ្ធិបញ្ញា និងនវានុវត្តន៍។ វៀតណាមប្តេជ្ញាបន្តជាសមាជិកដ៏សកម្ម ប្រកបដោយមានការទទួលខុសត្រូវរបស់ WIPO ដើម្បីអភិវឌ្ឍន៍ ប្រព័ន្ធអេកូឡូស៊ីកម្មសិទ្ធិបញ្ញាពិភពលោកប្រកបដោយបរិយាប័ន្ន តុល្យភាព សកម្ម និងឆ្ពោះទៅអនាគត រួមចំណែកពង្រឹងឃ្លាំងចំណេះដឹង និងសម្បត្តិវប្បធម៌របស់មនុស្សជាតិ ជំរុញកំណើនសេដ្ឋកិច្ច និងការអភិវឌ្ឍន៍ប្រកបដោយនិរន្តរភាពផងដែរ៕