វៀតណាមជំរុញទំនាក់ទំនងមិត្តភាពប្រពៃណីនិងកិច្ចសហប្រតិបតិ្តការលើច្រើនវិស័យជាមួយ Litva
(VOVWORLD) - ទទួលសេចក្ដីអញ្ជើញរបស់ប្រធានាធិបតីសាធារណៈរដ្ឋ Litva លោកស្រី Dalia Grybauskaite អនុប្រធានរដ្ឋវៀតណាមលោក Dang Thi Ngoc Thinh បានអញ្ជើញទៅបំពេញទស្សនកិច្ចការងារនៅ Litva ចាប់ពីថ្ងៃទី២២ដល់ទី២៤ តុលា។
 ទិដ្ឋភាពនៃជំនួបចរចាររវាងអនុប្រធានរដ្ឋវៀតណាមលោកស្រី Dang Thi Ngoc Thinh និងប្រធានាធិបតី Litva លោកស្រី Dalia Grybauskaite (រូបថត៖ TTXVN) |
នាព្រឹកថ្ងៃទី២៣ តុលា នៅទីក្រុង Vilnius លោកស្រី Dang Thi Ngoc Thinh បានជួបចរចាជាមួយប្រធានាធិបតីលោកស្រី Dalia Grybauskaite និងជួបសន្ទនាជាមួយប្រធានរដ្ឋសភា Litva លោក Viktoras Pranckietis។
នៅបណ្ដាជំនួបនេះ អនុប្រធានរដ្ឋលោកស្រី Dang Thi Ngoc Thinh បានស្នើឲ្យភាគីទាំង២បង្កើនកិច្ចសហប្រតិបតិ្តការសេដ្ឋកិច្ចពាណិជ្ជកម្មនិងវិនិយោគ ហើយស្នើឲ្យ Litva បង្កលក្ខណៈងាយស្រួលសំរាប់មុខទំនិញកសិផលនិងជលផលរបស់វៀតណាមជ្រៀតចូលទីផ្សារ Litva។ ទន្ទឹមនឹងនោះ លោកស្រីអនុប្រធានរដ្ឋក៏បានស្នើឲ្យភាគីទាំង២បន្តសហការយ៉ាងស្អិតរមួតនៅវេទិកាពហុភាគីនានាផងដែរ៕