ឧបនាយករដ្ឋមន្ត្រី លោក Le Minh Khai បានទទួលជួបគណៈប្រតិភូសហគ្រាសនាំមុខចំនួន ២៥ របស់ស្វីស (រូបថត៖ VOV)

នេះជាការបញ្ជាក់របស់ឧបនាយករដ្ឋមន្ត្រីលោក Le Minh Khai នារសៀលថ្ងៃទី ១១ វិច្ឆិកា នៅទីស្នាក់ការរដ្ឋាភិបាល ពេលទទួលជួបជាមួយលោក Andreas Gerber នាយកប្រតិបត្តិ អ្នកដឹកនាំសកលនៃប្លុកសហគ្រាសធុនតូច និងមធ្យមស្វីស ដែលដឹកនាំគណៈប្រតិភូសហគ្រាសចំនួន ២០ មកស្វែងរកឱកាសសហប្រតិបត្តិការវិនិយោគនៅវៀតណាម។

លោកឧបនាយករដ្ឋមន្ត្រីក៏បានស្នើដល់លោក Andreas Gerber និងគណៈប្រតិភូធុរកិច្ចស្វីស គាំទ្រ និងជំរុញការបញ្ចប់ការចរចារនិងឈានដល់ការចុះហត្ថលេខាយ៉ាងឆាប់ៗ លើកិច្ចព្រមព្រៀងពាណិជ្ជកម្មសេរីរវាងវៀតណាម និងសមាគមពាណិជ្ជកម្មសេរីអឺរ៉ុប (EFTA-រួមមានប្រទេសចំនួន ៤ គឺ ស្វីស ន័រវេស អ៊ីស្លង់ លីចតេនស្ទីន)។

រីឯខ្លួនវិញ លោក Andreas Gerber បានវាយតម្លៃខ្ពស់ចំពោះសមិទ្ធិផលរបស់ វៀត ណាមក្នុងការគ្រប់គ្រងគោលនយោបាយម៉ាក្រូសេដ្ឋកិច្ចក្នុងបរិបទ ដែលសេដ្ឋកិច្ចពិភពលោកប្រឈមមុខនឹងការលំបាក និងបញ្ហាប្រឈមជាច្រើន; ចាត់ទុកថា នេះជាមូលដ្ឋានដ៏សំខាន់សម្រាប់អាជីវកម្មស្វីសក្នុងការសម្រេចចិត្តវិនិយោគនិងអភិវឌ្ឍន៍នៅវៀតណាមរយៈពេលវែង។ យ៉ាងណាមិញ អង្គភាពអាជីវកម្មស្វីសបានសម្តែងការជឿជាក់លើកាលានុវត្តភាពសហប្រតិបត្តិការរវាងវៀតណាម និងស្វីសនាពេលខាងមុខ ដោយអះអាងថា នឹងផ្តោតលើការស្រាវជ្រាវនិងវិនិយោគលើវិស័យដែលស្វីសមានសក្កា នុពល ហើយវៀតណាមមានតម្រូវការដូចជា៖ ហិរញ្ញវត្ថុបៃតង កំណើនបៃតង... ជាដើម៕