ទិដ្ឋភាពនៃសម័យប្រជុំពេញអង្គនៃសន្និសីទអន្តរជាតិលើកទី១១ថ្នាក់ដឹកនាំជាន់ខ្ពស់ទទួលបន្ទុកសន្តិសុខ។ (រូបថត៖ VNA)

លោកនាយ ឧត្តមសេនីយ៍ To Lam រដ្ឋមន្ត្រីក្រសួងនគរបាលវៀតណាមបានអញ្ជើញចូលរួម និង ថ្លែងសុន្ទរកថាដ៏សំខាន់នៅសន្និសីទ។ នៅក្នុងសុន្ទរកថា លោករដ្ឋមន្ត្រី To Lam មាន បំណងចង់បន្តរៀនសូត្របទពិសោធន៍ពីមិត្តភក្តិអន្តរជាតិ ក៏ដូចជាត្រៀមខ្លួនជាស្រេច សហការ និងចែករំលែកបទពិសោធន៍ជាមួយស្ថាប័នប្រតិបត្តិច្បាប់ និងអង្គការអន្តរ ជាតិនានា ដើម្បីរួមគ្នាបង្កើនធនធាន សមត្ថភាពធានាសន្តិសុខជាតិ និងការអភិវឌ្ឍ សេដ្ឋកិច្ចសង្គមប្រកបដោយចីរភាព រួមចំណែករក្សាស្ថិរភាព សន្តិភាពនៅលើពិភពលោក តំបន់ និងនៅប្រទេសនីមួយៗផងដែរ។

មុននោះ នាថ្ងៃទី ២៣ ឧសភា លោករដ្ឋមន្ត្រី To Lam បានអញ្ជើញចូលរួម និងថ្លែងសុន្ទរកថាក្នុងសម័យប្រជុំពិគ្រោះយោបល់លើកទី៣ រវាងថ្នាក់ដឹកនាំជាន់ខ្ពស់ ទទួលបន្ទុកសន្តិសុខនៃសមាគមប្រជាជាតិអាស៊ីអាគ្នេយ៍ (អាស៊ាន)-រុស្ស៊ី។ នៅទីនេះ លោករដ្ឋមន្ត្រី To Lam បានបញ្ជាក់ថា វៀតណាមគាំទ្រយ៉ាងខ្ជាប់ខ្ជួនចំពោះការពង្រឹង ភាពជាដៃគូយុទ្ធសាស្ត្រអាស៊ាន-រុស្ស៊ី គាំទ្ររុស្ស៊ីក្នុងការពង្រីកតួនាទីនៅតំបន់ និងការ ពង្រឹងទំនាក់ទំនងអាស៊ាន-រុស្ស៊ី; គាំទ្រ និងជំរុញកិច្ចសហប្រតិបត្តិការរវាងអាស៊ាននិង អង្គការនានា ដែលរុស្ស៊ីមានតួនាទីជាសសរស្តម្ភដ៏សំខាន់ដូចជា សហភាពសេដ្ឋកិច្ច អាស៊ី-អឹរ៉ុប (EAEU) ក្រុមប្រទេសដែលមានសេដ្ឋកិច្ចទើបលេចចេញឈានមុខគេលើ ពិភពលោក (BRICS) អង្គការសហប្រតិបត្តិការសៀងហៃ (SOC)។ វៀតណាមសន្យា សម្របសម្រួលយ៉ាងសកម្មជាមួយរុស្ស៊ី និងបណ្តាប្រទេសអាស៊ាន ដើម្បីរួមចំណែក ប្រកបដោយការទទួលខុសត្រូវចំពោះសន្តិភាព សន្តិសុខ និងស្ថិរភាពក្នុងតំបន់ និង ពិភពលោក ដោយយកប្រជាជនជាមជ្ឈភាព គោលដៅ និងកម្លាំងចលករ៕