វៀតណាមត្រូវពង្រីកស្មារតីម្ចាស់ការ សកម្មក្នុងការធ្វើសមាហរណកម្មអន្តរជាតិ

(VOV)_នាព្រឹកថ្ងៃទី៣ មិនា នៅទីក្រុងហាណូយ នាយករដ្ឋមន្ត្រីវៀតណាម លោក 
Nguyen Tan Dung បានធ្វើអធិបតីកិច្ចប្រជុំពេញអង្គ លើកដំបូង ​នៃ​គណៈកម្មាធិការបញ្ជាណែនាំជាតិអំពីការធ្វើសមាហរណកម្មអន្តរជាតិ ដើម្បីនាំ​ចេញទិសដៅ ភារកិច្ចក្នុងឆ្នាំ ២០១៥ បញ្ហាស្នូលនៃកិច្ចការបរទេសពហុភាគី​របស់វៀតណាម ដល់ឆ្នាំ២០២០។ នាយករដ្ឋមន្ត្រីវៀតណាម លោក Nguyen Tan Dung ជាប្រធានគណៈកម្មាធិការបញ្ជាណែនាំជាតិអំពីការធ្វើសមាហរណកម្ម​អន្តរជាតិ ​បានលើកច្បាស់ថា៖ នាពេលខាងមុខ វៀតណាមត្រូវម្ចាស់ការ ធ្វើ​សមាហរណកម្ម​លើគ្រប់វិស័យ ដែលក្នុងនោះការធ្វើសមាហរណកម្មសេដ្ឋកិច្ច​ដើរតួនាទីមុខព្រួញ។ 

          លើវិស័យសេដ្ឋកិច្ច នាយករដ្ឋមន្ត្រី Nguyen Tan Dung បានស្នើថា៖ត្រូ​វ​ប្រមូល​ផ្តុំ​ជំរុញខ្លាំងការចរចារស្ដីពីកិច្ចព្រមព្រៀងពាណិជ្ជកម្មសេរី ពង្រីកឧត្តមភាពនៃ​កិច្ចព្រមព្រៀងនានា ដែលបានចុះហត្ថលេខា ដើម្បីបំរើគោលដៅអភិវឌ្ឍន៍​ប្រទេសជាតិ។ ទន្ទឹមនឹងនោះ ក៏ត្រូវបន្តលាតត្រដាងអនុវត្តការធ្វើសមាហរណកម្ម​យ៉ាងទូលំទូលាយ ប្រសិទ្ធិភាពខាងវប្បធម៌ សង្គម វិទ្យាសាស្ត្រ អប់រំ​និងបណ្ដុះបណ្ដាល…ជាដើម៕