រដ្ឋមន្រ្តីការបរទេសវៀតណាមលោក Bui Thanh Son។ (រូបថត៖ ក្រសួងការបរទេស)

រដ្ឋមន្រ្តីទាំងពីរបានសន្យាជំរុញនិងនាំឲ្យទំនាក់ទំនងសហប្រតិបត្តិការរវាងភាគី ទាំងពីរអភិវឌ្ឍកាន់តែស៊ីជម្រៅលើគ្រប់វិស័យ; ឯកភាពលើការបន្តផ្លាស់ប្ដូរគណៈ ប្រតិភូគ្រប់ជាន់ថ្នាក់ទៅវិញទៅមកដែលកំពុងត្រូវអាក់ខានដោយជម្ងឺរាតត្បាតកូវីដ ១៩ ក៏ដូចជាសហការគ្នាយ៉ាងជិតស្និទ្ធលើបញ្ហា ដែលជាកង្វល់រួម ហើយគាំទ្រការឈរ ឈ្មោះរបស់គ្នាទៅវិញទៅមកនៅអង្គការអន្តរជាតិនានាផងដែរ។ លោករដ្ឋមន្រ្តី Bui Thanh Son បានស្នើឲ្យភាគីអេហ្ស៊ីបគាំទ្រវៀតណាមនិងសហភាពអាហ្វ្រិក (AU) បង្កើតទំនាក់ទំនងជាផ្លូវការក្នុងពេលឆាប់ៗ។ លើវិស័យសេដ្ឋកិច្ចវិញ រដ្ឋមន្រ្តីទាំងពីរ បានអះអាងថា នឹងរួមគ្នាខិតខំប្រឹងប្រែងសហប្រតិបត្តិការដើម្បីបង្កើនទំហំពាណិជ្ជកម្ម ទ្វេភាគីឡើងដល់ទៅ១ពាន់លានដុល្លាអាមេរិក ដូចដែលការព្រមព្រៀងរវាងថ្នាក់ដឹកនាំ ជាន់ខ្ពស់នៃប្រទេសទាំងពីរ ព្រមទាំងបន្តផ្លាស់ប្ដូរបទពិសោធន៍និងពិភាក្សាអំពីវិធាន ការជំរុញការស្ដារទេសចរណ៍ឡើងវិញក្រោយជម្ងឺរាតត្បាតផងដែរ។

នៅជំនួបសន្ទនាការងារនេះដែរ រដ្ឋមន្រ្តីទាំងពីរក៏បានផ្លាស់ប្ដូរទស្សនៈអំពីបញ្ហា ទំនប់វារីអគ្គីសនី Great Renaissance Dam (GERD) ហើយចែករំលែកទស្សនៈក្នុងការ គាំទ្រចំពោះកិច្ចខិតខំប្រឹងប្រែងសំដៅដោះស្រាយបញ្ហាដោយសន្តិវិធី តាមរយៈការ ចរចា៕