តាមគម្រោង គណៈប្រតិភូកីឡាវៀតណាមនឹងរៀបចំពិធីចូលរួមការប្រកួតកីឡាស៊ីហ្គេមលើកទី៣១ នៅថ្ងៃទី ២៨ ខែមេសា ឆ្នាំ ២០២២ នៅទីក្រុងហាណូយ (រូបថត៖ sovhtt.hanoi.gov.vn)

យោងតាម គណៈកម្មាធិការរៀបចំការប្រកួតកីឡាអាស៊ីអាគ្នេយ៍លើកទី៣១ (SEA Games ៣១) កាលពីថ្ងៃទី ១៧ ខែមេសាថា  គណៈកម្មាធិការរៀបចំការប្រកួតកីឡាអាស៊ីអាគ្នេយ៍លើកទី៣១ បានសម្រេចអនុវត្តន៍ផែនការរៀបចំសន្និសីទបញ្ជាក់ (DRM) ព្រឹត្តិការណ៍កីឡាអាស៊ីអាគ្នេយ៍លើកទី ៣១ ឆ្នាំ ២០២១ នៅប្រទេសវៀតណាម។

សន្និសីទនេះមានគោលបំណងឯកភាពនិងបញ្ជាក់ជាមួយប្រធានគណៈប្រតិភូកីឡា គណៈកម្មាធិការអូឡាំពិកអាស៊ីអាគ្នេយ៍ (NOCs) នូវព័ត៌មានពាក់ព័ន្ធទាំងអស់ស្តីពីការរៀបចំ ការប្រកួតកីឡាស៊ីហ្គេមលើកទី៣១ រួមមាន៖ ទីកន្លែងប្រកួត ចំនួនអត្តពលិក បុគ្គលិក ការចុះឈ្មោះប្រកួត កម្មវិធី វិញ្ញាណសារប្រកួតប្រជែង កន្លែងស្នាក់នៅ ការដឹកជញ្ជូន រថយន្ត សន្តិសុខ ទទួលភ្ញៀវ ការធ្វើតេស្តវេជ្ជសាស្រ្តនិងសារធាតុញៀន បែបបទឆ្លងដែន ពិធីការនៅព្រឹត្តិការណ៍ និងអ្នកស្ម័គ្រចិត្ត ជាដើម។ សន្និសីទនេះគ្រោងនឹងប្រព្រឹត្តទៅចាប់ពីថ្ងៃទី ១ ដល់ថ្ងៃទី ៦ ខែឧសភា ឆ្នាំ២០២២ នៅ មជ្ឈមណ្ឌលប្រតិបត្តិការសណ្ឋាគារ - ទីស្នាក់ការកណ្តាលស៊ីហ្គេម ៣១។

សន្និសីទនេះធ្វើឡើងដោយផ្ទាល់ជាភាសាអង់គ្លេស ដោយមានអ្នកបកប្រែភាសាអង់គ្លេស-វៀតណាមពីរភាសា (ការបកប្រែផ្ទាល់) និងការប្រជុំតាមអ៊ីនធឺណិតសម្រាប់ប្រទេសដែលរងផលប៉ះពាល់ដោយជំងឺកូវីដ ១៩ ឬមិនមានជើងហោះហើរអន្តរជាតិដើម្បីចូលរួមកិច្ចប្រជុំទល់មុខគ្នា៕