វៀតណាមនាំចេញគ្រឿងតុបតែងលម្អបុណ្យណូអែលទៅអាមេរិកសម្រេចបានជាង ១ ពាន់លានដុល្លារ
(VOVWORLD) - វៀតណាមជាប្រទេសមួយដែលនាំចេញផលិតផលតុបតែងលម្អបុណ្យណូអែលច្រើនជាងគេទៅកាន់សហរដ្ឋអាមេរិក។ ក្នុងចំណោមផលិតផលនាំចេញរបស់វៀតណាមទៅកាន់សហរដ្ឋអាមេរិក ផលិតផលទៀនដែលប្រើប្រាស់ក្នុងអំឡុងបុណ្យណូអែលសម្រេចបានចំណូលពីការនាំចេញដ៏គួរឱ្យចាប់អារម្មណ៍។
 ការតុបតែងលម្អដើម្បីស្វាគមន៍បុណ្យណូអែលនៅក្រុង San Carlos រដ្ឋ California សហរដ្ឋអាមេរិក ថ្ងៃទី ១៩ ខែធ្នូ ឆ្នាំ ២០២៣។ រូបថត៖ THX/TTXVN |
យោងតាមអត្ថបទមួយនៅថ្ងៃទី ២០ ខែធ្នូនៅលើគេហទំព័រ freightwaves.com ដែលជាគេហទំព័រដែលផ្តល់ព័ត៌មានអំពីខ្សែសង្វាក់ផ្គត់ផ្គង់ពិភពលោក បានឲ្យដឹងថាក្នុងអំឡុងរដូវបុណ្យណូអែលឆ្នាំមុន ការនាំចេញទៀនរបស់វៀតណាមទៅកាន់សហរដ្ឋអាមេរិកបានកើនឡើងដល់ជាង ១ ពាន់លានដុល្លារអាមេរិក។ ទៀនគឺជាគ្រឿងតុបតែងបុណ្យណូអែលដែលប្រទេសនានានាំចេញទៅកាន់ទីផ្សារសហរដ្ឋអាមេរិក ក្រៅពីដើមណូអែលប្លាស្ទិក អំពូលភ្លើងតុបតែងលម្អ និងផលិតផលតុបតែងលម្អផ្សេងៗទៀត៕