ទិដ្ឋភាពនៅជំនួបនេះ (រូបថត៖ VGP)

  នៅទីនេះ លោកប្រធាន US – ABC លោក Alex Feldman បានសម្ដែងនូវជំនឿជាក់ថា រដ្ឋាភិបាលវៀត ណាមនឹងសម្រេចបានភាពជោគជ័យក្នុងការងារបង្ការនិងទប់ស្កាត់ជំងឺ Covid-19។ ដំណើរទស្សនកិច្ចលើកនេះរបស់គណៈប្រតិភូធុរជនអាមេរិកក៏ សំដៅផ្ញើរសារទៅកាន់សហគមន៍អន្តរជាតិ ស្ដីពីប្រទេសវៀតណាមប្រកបដោយសុវត្ថិភាពផងដែរ។ លោក Feldman បានជម្រាបថា ក្នុងឆ្នាំនេះ US-ABC នឹងមានសកម្មភាពជាច្រើនសំដៅជួយឧបត្ថម្ភវៀតណាមក្នុងតួនាទីជា ប្រធានអាស៊ាន។

        ចំណែកឯខ្លួនវិញ នាយករដ្ឋមន្រ្តីវៀតណាមលោក Nguyen Xuan Phuc បានអះអាងនូវការប្ដេជ្ញាចិត្តឆ្ពោះទៅរកតុល្យភាពពាណិជ្ជកម្មជាមួយ អាមេរិក ក្នុងនោះ វៀតណាមនឹងទិញទំនិញជាច្រើនរបស់អាមេរិក។ លោក នាយករដ្ឋមន្រ្តីក៏បានអះអាងដែរថា រដ្ឋាភិបាលវៀតណាមសន្យាបង្កគ្រប់ លក្ខណៈនិងបរិយាកាសងាយស្រួលសម្រាប់សហគ្រាសអាមេរិកដែលបោះទុនទាំងដោយផ្ទាល់និងដោយប្រយោលចូលមកវៀតណាម។

        បន្ទាប់ពីជំនួបនេះ ចំពោះមុខសាក្ខីភាពរបស់នាយករដ្ឋមន្រ្តីលោក Nguyen Xuan Phuc រដ្ឋមន្រ្តីក្រសួងឧស្សាហ-ពាណិជ្ជកម្មវៀតណាមលោក Tran Tuan Anh និងប្រធានក្រុមប្រឹក្សាសាជីវកម្មអាមេរិក-អាស៊ានលោក Alex Feldman បានផ្លាស់ប្ដូរអនុស្សរណៈយោគយល់គ្នារវាងភាគីទាំងពីរ ស្ដីពីការបង្កើនកិច្ចសហប្រតិបតិ្តការឧស្សាហកម្មនិងពាណិជ្ជកម្ម៕