(VOVworld)-នាថ្ងៃទី២៩ឧសភា អនុរដ្ឋមន្រ្តីការបរទេសវៀតណាម លោក Pham
Quang Vinh បានមានបទឆ្លើយសម្ភាសជាមួយពិធីករនិងជាអ្នកនិពន្ធ Kristie នៃ
កម្មវិធី “ចរន្តព្រឹត្តការណ៍” របស់ទីភ្នាក់ងារសាព័ត៌មាន CNN។  នៅទីនេះ លោក
Pham Quang Vinh បានអះអាងនូវអធិបតេយ្យភាពរបស់វៀតណាមចំពោះ ប្រជុំ
កោះ Hoang Sa សិទ្ធិអធិបតេយ្យភាព សិទ្ធិយុត្តាធិការចំពោះបណ្តាតំបន់ សមុទ្រ
តាមការកំណត់របស់អនុសញ្ញាអ.ស.បស្តីពីច្បាប់សមុទ្រឆ្នាំ១៩៨២(UNCLOS)
និង ប្រឆាំងជំទាស់យ៉ាងខ្លាំងក្លាចំពោះការដែលចិនបានដាក់ស្ថានីយ៍ខួង
Haiyang Shiyouដោយខុសច្បាប់ចូលក្នុងតំបន់សេដ្ឋកិច្ចផ្តាច់មុខនិងតំបន់ខ្ពង់រាប
បាត សមុទ្ររបស់វៀតណាម គឺរំលោភទៅលើច្បាប់អន្តរជាតិ ព្រមទាំងជះឥទ្ធិ
ពល ផ្ទាល់ដល់សន្តិភាព ស្ថិរភាព និងសេរីភាពខាងនាវាចរណ៍ទៀតផង។ លោក
Pham Quang Vinh បានលើកច្បាស់ថា វៀតណាមប្រឆាំងជំទាស់ដាច់ហឹង្សា ចំពោះ
ការទន្រ្ទានកាន់កាប់ខុសច្បាប់របស់ចិនចំពោះប្រជុំកោះ Hoang Sa របស់វៀត
ណាម គឺរំលោភទៅលើច្បាប់អន្តរជាតិ និងមិន អាចទទួលស្គាល់បានឡើយ។
វៀតណាមប្តេជ្ញាចិត្ត ការពារអធិបតេយ្យភាព ដំបន់ដែនដី និងផលប្រយោជន៍
ស្របច្បាប់របស់ខ្លួននៅសមុទ្រខាងកើតដោយ សន្តិវិធី។

អនុរដ្ឋមន្រ្តីការបរទេសវៀតណាមលោក Pham Quang Vinh  (រូបថតៈ congluan.vn )

        ចំពោះសំនួរដែលពាក់ព័ន្ធដល់បញ្ហាបង្កអុកឡុកនៅតំបន់មួយចំនួនរបស់ វៀតណាមនាពេលកន្លងទៅ លោក Pham Quang Vinh ឲ្យដឹងថា រដ្ឋាភិបាល វៀតណាមមានវិធានការទប់ស្កាត់ទាន់ពេលវេលាហើយសភាពការណ៍នេះ
បានស្ថិរភាព​ទាំងស្រុង។ 
       ពាក់ព័ន្ធដល់រឿងរ៉ាវទូកនេសាទវៀតណាមត្រូវនាវារបស់ចិនបុកលិចក្នុង
តំបន់នេសាទប្រពៃណីនិងចំណុះតំបន់សេដ្ឋកិច្ចផ្តាច់មុខរបស់វៀតណាម លោក​
Pham Quang Vinh បានអះ​អាងថា អំពើពោលខាងលើរបស់ចិន​គឺរំលោភទៅលើ
ច្បាប់អន្តរជាតិ រំលោភបំពានដ៏ធ្ងន់ ធ្ងរដល់អាយុជីវិត ទ្រព្យសម្បត្តិ និងផលប្រ
យោជន៍ស្របច្បាប់របស់អ្នកនេសាទ វៀតណាម។ វៀតណាមសំណូមពរចិន បញ្ឈប់រាល់សកម្មភាពអមនុស្សធម៌ ត្រូវ គោរព្វច្បាប់អន្តរជាតិ ព្រមទាំងកុំប្រ
ព្រឹត្តសកម្មភាពប្រហាក់ប្រហែលតទៅទៀត៕