ទិដ្ឋភាពនៃកិច្ចប្រជុំដែលប្រព្រឹត្តទៅតាមប្រព័ន្ធវីដេអូ (រូបថត៖ ក្រសួងការបរទេស)

អង្គប្រជុំបានពិភាក្សាអំពីវឌ្ឍនភាពនៃការអនុវត្តចក្ខុវិស័យសហគមន៍អាស៊ានឆ្នាំ២០២៥ និងផែនការអភិវឌ្ឍន៍ចក្ខុវិស័យសហគមន៍អាស៊ានក្រោយឆ្នាំ ២០២៥ ការងារអនុវត្តន៍រាល់គំនិតផ្តួចផ្តើមសម្រាប់ការឆ្លើយតបនិងការងើបឡើងវិញក្រោយជំងឺកូវីដ ១៩  ទំនាក់ទំនងកិច្ចការបរទេសក្នុងអាស៊ាន ក៏ដូចជាបញ្ហាអន្តរជាតិនិងតំបន់ដែលមានការយកចិត្តទុកដាក់ទៅវិញទៅមក។

កិច្ចប្រជុំបានឯកភាពបន្តកិច្ចខិតខំប្រឹងប្រែងដើម្បីកសាងសហគមន៍ ឆ្លើយតបនឹងជំងឺ កូវីដ ១៩ និងអនុវត្តន៍ផែនការស្តារឡើងវិញក្រោយជំងឺរាតត្បាតប្រកបដោយប្រសិទ្ធភាព ក្នុងនោះអនុវត្តន៍ជាក់ស្តែងគំនិតផ្តួចផ្តើមនៃច្រករបៀងទេសចរណ៍អាស៊ាន ប្រើមូលនិធិឆ្លើយ តបកូវីដ ១៩ របស់អាស៊ាន សម្រាប់ ទិញវ៉ាក់សាំងជូនប្រជាជននិងដាក់ឱ្យដំណើរការប្រតិបត្ដិការឃ្លាំងផ្ទុកបំរុងសំភារៈសុខាភិបាលសង្គ្រោះបន្ទាន់។

ឧបនាយករដ្ឋមន្ត្រី រដ្ឋមន្ត្រីការបរទេសវៀតណាម លោក Pham Binh Minh បានអះអាងថា វៀតណាមបានប្តេជ្ញាចិត្តរួមសហការជាមួយប្រទេសដទៃទៀតដើម្បីរុញថយក្រោយជំងឺរាតត្បាតកូវីដ ១៩ (រូបថត៖ ក្រសួងការបរទេស)

អញ្ជើញថ្លែងនៅក្នុងកិច្ចប្រជុំ ឧបនាយករដ្ឋមន្រ្តី រដ្ឋមន្ត្រីការបរទេស លោក Pham Binh Minh បានអះអាងថា វៀតណាមប្តេជ្ញារួមសហការជាមួយបណ្តាប្រទេសក្នុងការរុញថយក្រោយជំងឺរាតត្បាតកូវីដ ១៩ ព្រមទាំងសង្កត់ធ្ងន់ថា ទំនាក់ទំនងភាពជាមួយដៃគូ ការរក្សាកិច្ចសន្ទនានិងកិច្ចសហប្រតិបត្តិការគឺមានសារៈសំខាន់ជាពិសេសនៅក្នុងដំណើរការនេះ។ ទាក់ទិននឹងស្ថានភាពនៃប្រទេសមីយ៉ាន់ម៉ា ឧបនាយករដ្ឋមន្ត្រី រដ្ឋមន្ត្រីការបរទេសលោក Pham Binh Minh បានអំពាវនាវឱ្យភាគីទាំងអស់អត់ធ្មត់ជាអតិបរមា ជៀសវាងរាល់អំពើហឹង្សា ធានាសុវត្ថិភាពដល់ប្រជាជននិងរៀបចំកិច្ចពិភាក្សាប្រកបដោយសន្តិភាព ដើម្បីធ្វើឱ្យស្ថានការណ៍វិលមករកភាពប្រក្រតីឡើងវិញ។

ជាមួយគ្នានេះ លោកឧបនាយករដ្ឋមន្រ្តីបានស្នើឱ្យអាស៊ានសម្របសម្រួលយ៉ាងជិតស្និទ្ធ ពង្រីកតួនាទីរបស់ខ្លួននិងប្រើប្រាស់យន្តការសហប្រតិបត្តិការដែលមានស្រាប់ ប្រកបដោយប្រសិទ្ធ ភាព ក្នុងនោះមានការសម្របសម្រួលជាមួយអង្គការនិងយន្តការពិភពលោក រួមទាំងអង្គការសហប្រជាជាតិទៀតផង សំដៅជួយមីយ៉ាន់ម៉ាស្ថិរភាពស្ថានភាពដើម្បីផលប្រយោជន៍របស់ប្រជាជននិងប្រទេសមីយ៉ាន់ម៉ា ក៏ដូចជាដើម្បីសន្តិភាព ស្ថិរភាពក្នុងតំបន់និងសាមគ្គីភាពនិងកិត្យានុភាពរបស់អាស៊ាន៕