វៀតណាមមានលទ្ធភាពទទួលភ្ញៀវទេសចរអន្ដរជាតិ ចំនួន ១៣ លាននាក់ក្នុងឆ្នាំ ២០១៧

ដំណាច់ឆមាសទី ១ ឆ្នាំ ២០១៧ វិស័យទេសចរណ៍វៀតណាមទទួលបាន ភ្ញៀវទេសចរអន្ដរជាតិចំនួន ៦,២ លាននាក់ កើនឡើងជាង ៣០ % បើប្រៀបនឹងរយៈពេលដូចគ្នាពីឆ្នាំទៅមិញ។ ជាមធ្យមជារៀងរាល់ខែ វិស័យទេសចរណ៍វៀតណាមទទួលបានភ្ញៀវទេសចរអន្ដរជាតិជាង ១ លាននាក់។ តាមផែនការនៃវិស័យទេសចរណ៍វៀតណាមគឺក្នុងឆ្នាំ ២០១៧ ទទួលបានកំណើន ១៥% បើប្រៀបនឹងរយៈពេលដូចគ្នាពីឆ្នាំទៅមិញ ពោលគឺទទួលបានភ្ញៀវទេសចរអន្ដរជាតិចំនួន ១១,៥ លាននាក់។ប៉ុន្តែជាមួយនឹងអត្រាកំណើននាបច្ចុប្បន្នវៀតណាមអាចទទួលបានភ្ញៀវទេសចរអន្ដរជាតិពី ១២,៥ ដល់ ១៣ លាននាក់ក្នុងឆ្នាំ ២០១៧៕