ឆ្លើយសំណួររបស់អ្នកសារព័ត៌ មានស្ដីពីប្រតិកម្មរបស់វៀតណាមចំពោះព័ត៌មានដែលថា នាពេលថ្មីៗនេះ ចិន បានប្រកាស ការធ្វើសមយុទ្ធដោយបាញ់គ្រាប់ពិតនៅតំបន់ប្រជុំកោះ Hoang Sa របស់វៀតណាម ព្រមទាំងប្រកាសផែនការកសាងកោះចំនួន៣រួមមានកោះ Phu Lam កោះ Cay និងកោះ Duy Mong ចំណុះប្រជុំកោះ Hoang Sa របស់វៀត ណាម អោយក្លាយទៅជាទីក្រុងនិងមូលដ្ឋានសេវាកម្មភ័ស្តុភាយុទ្ធសាស្រ្តនោះ អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang បានអះ អាងថា វៀតណាមមានមូលដ្ឋានគតិយុត្តនិងភស្តុតាងប្រវត្តិសាស្ត្រដ៏គ្រប់គ្រាន់ ដើម្បីអះអាងនូវអធិបតេយ្យភាពរបស់ខ្លួនលើប្រជុំកោះទាំងពីរ Hoang Sa និង Truong Sa តាមបទបញ្ញត្តិនៃច្បាប់អន្តរជាតិ។ លោកស្រី Le Thi Thu Hang បាន បន្តថា ការដែលចិនដំណើរការសមយុទ្ធដោយបាញ់គ្រាប់ពិតនៅប្រជុំកោះ Hoang Sa របស់វៀតណាមចាប់ពីថ្ងៃទី២២ដល់ថ្ងៃទី២៤ ខែមីនា ឆ្នាំ២០១៩ ហើយមានផែនការកសាងកោះ Phu Lam កោះ Cay និងកោះ Duy Mong ចំណុះ ប្រជុំកោះ Hoang Sa របស់វៀតណាម អោយក្លាយទៅជាទីក្រុងនិងមូលដ្ឋាន សេវាកម្មភ័ស្តុភាយុទ្ធសាស្ត្រសំខាន់ៗរបស់ចិននោះ បានរំលោភបំពានយ៉ាងធ្ងន់ ធ្ងរលើអធិបតេយ្យភាពរបស់វៀតណាមលើប្រជុំកោះនេះ ដើរផ្ទុយទៅនឹងកិច្ចព្រម ព្រៀងស្ដីពីគោលការណ៍សារវ័ន្តស្ដីពីការដោះស្រាយបញ្ហានៅសមុទ្ររវាងវៀត ណាមនិងចិន រំលោភបំពានលើស្មារតីនៃសេចក្ដីថ្លែងការណ៍ស្ដីពីការប្រតិបត្តិ របស់ភាគីនានានៅសមុទ្រខាងកើត (DOC) ធ្វើអោយស្ថានភាពស្មុគស្មាញនិង អវិជ្ជមានសម្រាប់ដំណើរការចរចានាបច្ចុប្បន្នរវាងចិននិងអាស៊ានស្ដីពីក្រមប្រតិ បត្តិរបស់ភាគីនានានៅសមុទ្រខាងកើត (COC) ក៏ដូចជាការរក្សាបរិយាកាសសន្តិ ភាព ស្ថិរភាពនិងកិច្ចសហប្រតិបតិ្តការនៅសមុទ្រខាងកើត ផងដែរ។

        វៀតណាមសំណូមពរអោយចិនបញ្ឈប់ហើយមិនទុកអោយកើតមានសកម្មភាពប្រហាក់ប្រហែលគ្នាជាថ្មីម្ដងទៀត គោរពអធិបតេយ្យភាពរបស់វៀតណាម លើប្រជុំកោះទាំងពីរ Hoang Sa និង Truong Sa គោរពការយោគយល់គ្នារួមរវាង ថ្នាក់ដឹកនាំនៃប្រទេសទាំងពីរ ក៏ដូចជាច្បាប់អន្តរជាតិ មិនមានសកម្មភាពដែល បង្កភាពតានតឹងឬធ្វើអោយស្ថានភាពស្មុគស្មាញថែមទៀតក្នុងតំបន់។ ក្រសួង ការបរទេសវៀតណាមក៏បានជួបនិងប្រគល់កំណត់ទូតជូនចំពោះតំណាងការទូតចិនប្រចាំវៀតណាមដើម្បីប្រឆាំងជំទាស់នឹងរឿងហេតុទាំងនេះ ផងដែរ៕