ឯកអគ្គរដ្ឋទូត Dang Hoang Giang ប្រធានគណៈប្រតិភូអចិន្ត្រៃយ៍វៀតណាមប្រចាំនៅអង្គការសហប្រជាជាតិ ថ្លែងមតិក្នុងសម័យប្រជុំពិភាក្សា  (រូបថត៖ baoquocte.vn)

ថ្លែងមតិក្នុងសម័យប្រជុំពិភាក្សាបើកទូលាយរបស់ក្រុមប្រឹក្សាសន្តិសុខ ឯកអគ្គរដ្ឋទូត លោក Dang Hoang Giang ប្រធានបេសកកម្មអចិន្ត្រៃយ៍របស់វៀតណាមប្រចាំនៅអង្គការសហប្រជាជាតិបានសង្កត់ធ្ងន់ថា វិធីល្អបំផុតដើម្បីការពារជនស៊ីវិលគឺរាំងស្កាត់សង្គ្រាម និងជម្លោះ; ដោយបញ្ជាក់ថា សង្គ្រាម និងជម្លោះអាចជៀសបាន ប្រសិនបើប្រទេសទាំងអស់គោរពតាមធម្មនុញ្ញអង្គការសហប្រជាជាតិ និងច្បាប់អន្តរជាតិ ដោយឈរលើមូលដ្ឋាននៃការគោរព និងការយោគយល់គ្នាទៅវិញទៅមក។ លោកឯកអគ្គរដ្ឋទូតបានអំពាវនាវដល់ភាគីពាក់ព័ន្ធទាំងអស់ គោរពតាមច្បាប់អន្តរជាតិ និងសេចក្តីសម្រេចចិត្តនៃក្រុមប្រឹក្សាសន្តិសុខលេខ ២៥៧៣ ដោយមិនត្រូវប្រើប្រាស់ស្បៀងអាហារ ទឹក និងហេដ្ឋារចនាសម្ព័ន្ធដែលពាក់ព័ន្ធជាឧបករណ៍ដើម្បីទាញយកផលប្រយោជន៍ ឬយុទ្ធសាស្ត្រណាក្រោមគ្រប់ទម្រង់។

ក៏នាថ្ងៃម្សិលមិញដែរ ឯកអគ្គរដ្ឋទូត លោក Dang Hoang Giang បានចូលរួម និងថ្លែងក្នុងតួនាទីជាសហប្រធាននៃសិក្ខាសាលា "ការពារបរិស្ថានគឺការពារជនស៊ីវិល៖ ផលវិបាកមនុស្សធម៌នៃការអន្តរាយដែលបណ្តាលមកពីជម្លោះប្រដាប់អាវុធលើបរិស្ថាននិងហេដ្ឋារចនាសម្ព័ន្ធស៊ីវិល”។