ឯកអគ្គរដ្ឋទូតលោក Dang Hoang Giang ប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ (រូបថត៖ VOV)

ថ្លែងមតិនៅទីនេះ ឯកអគ្គរដ្ឋទូតលោក Dang Hoang Giang ប្រធានបេសកកម្មអចិន្ត្រៃយ៍វៀតណាមប្រចាំនៅអ.ស.ប បានសង្កត់ធ្ងន់ថា ការកើនឡើងកម្ពស់ទឹកសមុទ្រគឺជាផលវិបាកផ្ទាល់នៃផលប៉ះពាល់អវិជ្ជមាននៃការប្រែប្រួលអាកាសធាតុ ហើយបានគំរាមកំហែងយ៉ាងធ្ងន់ធ្ងរដល់អាយុជីវិតមនុស្សរាប់លាននាក់ ក្នុងនោះមានទាំងប្រជាជនវៀតណាមផងដែរ។ ដូច្នេះ ចាំបាច់ត្រូវពិនិត្យមើលលើបញ្ហាកម្ពស់ទឹកសមុទ្រ ការខិតខំប្រឹងប្រែង ក៏ដូចជាវិធានការទាំងអស់ ដើម្បីដោះស្រាយផលប៉ះពាល់នៃបាតុភូតនេះ ដោយផ្អែកលើច្បាប់អន្តរជាតិ ក្នុងនោះមានអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS)។ ដើម្បីអាចដោះស្រាយប្រកបដោយប្រសិទ្ធភាពនូវផលប៉ះពាល់នៃបម្រែបម្រួលអាកាសធាតុ និងការកើនឡើងកម្ពស់ទឹកសមុទ្រ បណ្តាប្រទេសនានាត្រូវតែទទួលខុសត្រូវក្នុងការអនុវត្តការប្តេជ្ញាចិត្ត និងការបង្កើនសកម្មភាពអាកាសធាតុ និងហិរញ្ញវត្ថុ រួមទាំងការប្តេជ្ញាចិត្តដែលបានធ្វើឡើងនៅក្នុងសន្និសីទភាគីនៃអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (COP) និងកិច្ចប្រជុំកំពូលមហិច្ឆតាអាកាសធាតុនាខែកញ្ញា ឆ្នាំ ២០២៣។ វៀតណាមអំពាវនាវឲ្យពន្លឿនការបង្កើតមូលនិធិសំណងការខាតបង់និងការខូចខាតដែលបានបណ្តាប្រទេសព្រមព្រៀងក្នុងសន្និសីទ COP២៧។

លោកឯកអគ្គរដ្ឋទូត Dang Hoang Giang ក៏បានសង្កត់ធ្ងន់ វៀតណាមបានត្រៀមខ្លួនជាស្រេចក្នុងកិច្ចសហប្រតិបត្តិការ និងចែករំលែកបទពិសោធន៍ ការអនុវត្ត និងមេរៀនជាមួយប្រទេស និងដៃគូនានា ជំរុញកិច្ចខិតខំប្រឹងប្រែងរួមគ្នា ដើម្បីឆ្លើយតបទៅនឹងការប្រែប្រួលអាកាសធាតុ និងការកើនឡើងកម្ពស់ទឹកសមុទ្រ៕