ឧត្តមសេនីយឯក លោក Hoang Xuan Chien ក្នុងជំនួបជាមួយលោក Kelly K. McKeague (រូបថត៖ qdnd.vn)

នាថ្ងៃទី ៧ មិថុនា នៅទីក្រុងហាណូយ ឧត្តមសេនីយឯក លោក Hoang Xuan Chien អនុរដ្ឋមន្ត្រីក្រសួងការពារប្រទេសវៀតណាមបានទទួលជួបជាមួយលោក Kelly K. Mc Keague នាយកនៃភ្នាក់ងារ MIA/POW នៃក្រសួងការពារជាតិអាមេរិក។ ក្នុងជំនួបនេះ ឧត្តមសេនីយឯក លោក Hoang Xuan Chien បានសង្កត់ធ្ងន់ថា ដំណើរទស្សនកិច្ចរបស់លោក Kelly K. Mc Keague បានធ្វើឡើងក្នុងបរិបទនៃខួបលើកទី ៥០ នៃការបង្កើតទីភ្នាក់ងារវៀតណាម ស្វែងរកជនបាត់ខ្លួន  (VNOSMP) និងរយៈពេល ៣៥ ឆ្នាំនៃប្រតិបត្តិការរួមគ្នាដើម្បីស្វែងរកទាហានអាមេរិកបាត់ខ្លួនក្នុងសង្គ្រាម (MIA)។ នេះជាព្រឹត្តិការណ៍សំខាន់មួយក្នុងកិច្ចសហប្រតិបត្តិការ ដើម្បីជំនះនូវផលវិបាកនៃសង្គ្រាមរវាងប្រទេសទាំងពីរ។ ធ្វើការវាយតម្លៃខ្ពស់ចំពោះការរួមវិភាគទានរបស់ភ្នាក់ងារ MIA/POW នៃក្រសួងការពារជាតិអាមេរិក ក្នុងការជំរុញទំនាក់ទំនងរវាងប្រទេសទាំងពីរនាពេលកន្លងមក ជាពិសេសក្នុងវិស័យជំនះពុះពារលើផលវិបាកនៃសង្គ្រាមនៅវៀតណាម លោកឧត្តមសេនីយ៍ឯក Hoang Xuan Chien បានអះអាងថា កិច្ចសហប្រតិបត្តិការក្នុងការស្វែងរកទាហានអាមេរិកដែលបាត់ខ្លួនក្នុងសង្គ្រាម គឺជាស្ពានតភ្ជាប់ និងជាបណ្តាញទំនាក់ទំនងរវាងមេដឹកនាំនៃប្រទេសទាំងពីរ ដែលជួយឱ្យប្រជាជនទាំងពីរយល់កាន់តែច្បាស់អំពីសុច្ឆន្ទៈ និងគោលនយោបាយមនុស្សធម៌របស់គ្នាទៅវិញទៅមក។

ដោយមើលឃើញថា សក្ដានុពលនៃកិច្ចសហប្រតិបត្តិការលើវិស័យផ្សេងៗរវាងអាមេរិក និងវៀតណាមនៅតែមានសក្កានុពលធំធេង លោក Kelly K. Mc Keague បានអះអាងថា រដ្ឋាភិបាលអាមេរិកនឹងបន្តអនុវត្តការប្តេជ្ញាចិត្តរបស់ខ្លួនក្នុងវិស័យជំនះពុះពារលើផលវិបាកនៃសង្គ្រាមនៅវៀតណាម; បានសង្កត់ធ្ងន់ថា ភ្នាក់ងារ MIA/POW នៃក្រសួងការពារជាតិអាមេរិក  នឹងខិតខំប្រឹងប្រែងដើម្បីរួមចំណែកក្នុងការនាំមកនូវប្រសិទ្ធភាពបន្ថែមទៀតដល់វិស័យនេះ៕