តំណាងដែលចូលរួមក្នុងវេទិកា ថតរូបអនុស្សាវរីយ៍ (រូបថតៈ Binh Nguyen)

អញ្ជើញថ្លែងក្នុងឱកាសបើកវេទិកានេះ លោក Vu Ho ប្រធាននាយកដ្ឋានអាស៊ាន នៃក្រសួងការបរទេសវៀតណាម បានបញ្ជាក់ថា កិច្ចសហប្រតិបត្តិការនិងសន្តិសុខដែនសមុទ្រតែងតែជាវិស័យអាទិភាពមួយ ក្នុងកិច្ចសហប្រតិបត្តិការរវាងបណ្តាប្រទេសអា ស៊ាននិងរវាងអាស៊ានជាមួយដៃគូ។ បច្ចុប្បន្ននេះ មានទីភ្នាក់ងារអាស៊ានចំនួន ១២ ចូលរួមក្នុងសកម្មភាពសហប្រតិបត្តិការតាមសមុទ្រ ដែលមានខ្លឹមសារជាច្រើន ពោលគឺពីការធានាសន្តិសុខនិងសុវត្ថិភាពដែនសមុទ្រ ការស្វែងរកនិង ជួយសង្គ្រោះ រហូតដល់ការប្រឆាំងនឹងចោរកម្មដើម្បីប្រឆាំងនឹងការនេសាទខុសច្បាប់ ការការពារបរិស្ថាននិងការដោះស្រាយកាកសំណល់ប្លាស្ទិច។ លោក Vu Ho បានស្នើអោយបណ្តាប្រទេស បង្កើនកិច្ចពិភាក្សា ក៏ដូចជាដាក់ចេញនូវដំណោះស្រាយ ដើម្បីពង្រឹងក៏ដូចជាលើកកម្ពស់តួនាទីនៃវេទិកាសមុទ្រអាស៊ាននិងពង្រីកវេទិកាសមុទ្រអាស៊ាន ក្នុងការជំរុញកិច្ចសន្ទនា ការសម្របសម្រួលនិងកិច្ចសហប្រតិបត្តិការអំពីបញ្ហាសមុទ្រក្នុងតំបន់។

ប្រធានបទជាច្រើនត្រូវបានលើកមកពិភាក្សានៅក្នុងវេទិកាសមុទ្រអាស៊ាន រួមមានការធានាសន្តិភាព សន្តិសុខនិងសុវត្ថិភាពនាវាចរណ៍ ការអនុវត្តអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ ព្រមទាំងការស្រាវជ្រាវនិងជួយ សង្គ្រោះនិងពង្រឹងការតភ្ជាប់កិច្ចការពារបរិស្ថានសមុទ្រ ក៏ដូចជាលើកកម្ពស់ទេសចរ ណ៍សមុទ្រជាដើម៕