វិបត្តិនៅប្រទេសហៃទី៖ ក្រុមប្រឹក្សាអន្តរកាលសន្យាថា នឹងស្តារសណ្តាប់ធ្នាប់រដ្ឋធម្មនុញ្ញឡើងវិញ
(VOVWORLD) - នៅក្នុងសេចក្តីប្រកាសជាផ្លូវការលើកដំបូងចាប់តាំងពីការង្កើតមក កាលពីថ្ងៃទី ២៨ ខែមីនា ក្រុមប្រឹក្សាប្រធានាធិបតីអន្តរកាល ដែលមាន ភារកិច្ចត្រួតពិនិត្យដំណើរអន្តរកាលនយោបាយនៅក្នុងប្រទេសហៃទីបានប្រកាសថា ខ្លួននឹងស្ដារឡើងវិញ នូវសណ្តាប់ធ្នាប់ រដ្ឋធម្មនុញ្ញ និងលទ្ធិប្រជាធិបតេយ្យនៅក្នុងប្រទេសការាបៀននេះឡើងវិញ។
 ប៉ូលីសហៃទី រឹតបន្តឹងសន្តិសុខនៅទីក្រុង Port-au-Prince ថ្ងៃទី ៩ ខែមីនាឆ្នាំ ២០២៤ ។ រូបថត៖ AFP/TTXVN |
ក្រុមប្រឹក្សាអន្តរកាលកំពុងបញ្ចប់ដំណាក់កាលចុងក្រោយនៃការរៀបចំ និងប្រតិបត្តិការ រួមទាំងកិច្ចព្រមព្រៀងនយោបាយ ប្រកបដោយ តម្លាភាពរវាងស្ថាប័នពាក់ព័ន្ធ ដើម្បីអនុវត្តផែនការសកម្មភាពច្បាស់លាស់ ក្នុងការស្តារសណ្តាប់ធ្នាប់និងលទ្ធិប្រជាធិបតេយ្យឡើងវិញ ដោយធានាសន្តិសុខសម្រាប់អាយុជីវិត និងទ្រព្យសម្បត្តិរបស់ប្រជាជន និងរៀបចំការបោះឆ្នោតដោយសេរី និងអនុវត្តកំណែទម្រង់ចាំបាច់។
ទីភ្នាក់ងារបណ្តោះអាសន្ននេះក៏បានឲ្យដឹងថា ខ្លួនបាន បង្កើត លក្ខណៈវិនិច្ឆ័យ និងយន្តការសម្រាប់ ការបោះឆ្នោត ជ្រើសរើស ប្រធានាធិបតី និងតែងតាំងនាយករដ្ឋមន្ត្រីថ្មី។ នៅពេលដែលរបប នេះត្រូវបានអនុវត្ត នាយករដ្ឋមន្ត្រីហៃទីបច្ចុប្បន្ន លោក Ariel Henry នឹងលាលែងពីតំណែង៕