ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស លោក Volker Turk ថ្លែងនៅក្នុងសម័យប្រជុំនៃក្រុមប្រឹក្សាសិទ្ធិមនុស្សនៅទីក្រុងហ្សឺណែវ ប្រទេសស្វីស ថ្ងៃទី ២៩ ខែកុម្ភៈ ឆ្នាំ ២០២៤ (រូបថត៖ AFP/TTXVN)

ថ្លែងនៅចំពោះមុខក្រុមប្រឹក្សាសិទ្ធិមនុស្សកាលពីថ្ងៃទី២ ខែមេសា ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស លោក Volker Turk បានលើកឡើងពីភាពបន្ទាន់ក្នុងការបញ្ចប់ភាពជាប់គាំងផ្នែកនយោបាយ និងការកសាងឡើងវិញជាបន្ទាន់នូវសន្តិភាព ស្ថិរភាព និងសន្តិសុខក្នុងស្រុក ព្រមទាំងអំពាវនាវឱ្យសហគមន៍អន្តរជាតិអនុវត្តវិធានការខ្លាំងជាងមុនដើម្បីការពារការផ្គត់ផ្គង់ ការលក់ដូរ ការបង្វែរបង្វិល ឬការផ្ទេរអាវុធធុនតូច អាវុធធុនស្រាល និងគ្រាប់រំសេវខុសច្បាប់ទៅប្រទេសហៃទី។ យោងតាមការប៉ាន់ប្រមាណមនុស្សជាង ៥៣.០០០ នាក់បានចាកចេញពីរដ្ឋធានី Port-au-Prince របស់ប្រទេសហៃទីក្នុងរយៈពេលត្រឹមតែ ៣ សប្តាហ៍ចុងក្រោយនៃខែមីនា។ ចាប់ពីថ្ងៃទី ១ ខែ   មករាដល់ថ្ងៃទី ២២ ខែមីនា មនុស្សជាង ១.៥០០ នាក់បានស្លាប់ និង ១៧.០០០ នាក់បានបាត់បង់ផ្ទះសម្បែងដោយសាររលកនៃអំពើហឹង្សា។