ទិដ្ឋភាពនៅសិក្ខាសាលា។ (រូបថត៖ TTXVN)

នាថ្ងៃទី ១១ ខែកុម្ភៈ ក្រសួងការបរទេសវៀតណាមបានរៀបចំសិក្ខាសាលា អាស៊ានស្តីពីការរួមបញ្ចូលរបៀបវារៈស្ត្រី សន្តិភាព និងសន្តិសុខទៅក្នុងសសរស្តម្ភ សហគមន៍អាស៊ានតាមទម្រង់ផ្ទាល់មុខគួបផ្សំនឹងប្រព័ន្ធវីដេអូ។ ថ្លែងមតិបើកសិក្ខា សាលា អនុរដ្ឋមន្ត្រីការបរទេសវៀតណាម លោក Nguyen Minh Vu បានអះអាងថា ក្នុងនាមជាប្រទេសដែលតែងតែយកចិត្តទុកដាក់ដល់តួនាទីរបស់ស្ត្រីក្នុងការកសាង ពង្រឹងសន្តិភាពនិងសន្តិសុខនោះ វៀតណាមមានការរួមវិភាគទានជាក់ស្តែងជាច្រើន ដើម្បីជំរុញខ្លាំងការអនុវត្តរបៀបវារៈស្តីពីស្ត្រី សន្តិភាព និងសន្តិសុខ (WPS) ក្នុង អាស៊ាន ជាពិសេសក្នុងអាណត្តិធ្វើជាប្រធានអាស៊ានឆ្នាំ២០២០។ សិក្ខាសាលានេះ គឺជាការបន្តកិច្ចខិតខំប្រឹងប្រែងរបស់វៀតណាមឆ្ពោះទៅរកការបង្កើតនិងអនុវត្តជាក់ស្ដែងនូវវិធានការធានាសិទ្ធិនារី និងលើកកម្ពស់តួនាទីរបស់នារីក្នុងការដោះស្រាយ ហានិភ័យ និងបញ្ហាប្រឈមដែលគំរាមកំហែងដល់សន្តិភាពជានិរន្តរនៃតំបន់។ អញ្ជើញចូលរួមសិក្ខាសាលាតាមប្រព័ន្ធវីដេអូ លោកស្រី Viky Ford អនុរដ្ឋមន្ត្រីចក្រភព អង់គ្លេសទទួលបន្ទុកតំបន់អាហ្វ្រិក អាមេរិកឡាទីន និងការាបៀន បាននិយាយថា ចក្រភពអង់គ្លេសសន្យាជួយឧបត្ថម្ភវៀតណាមក្នុងការកសាងសេចក្តីព្រាងផែនការ សកម្មភាពជាតិអំពីស្ត្រី សន្តិភាព និងសន្តិសុខ៕