មេដឹកនាំស.ប.បកូរ៉េលោក Kim Jong-un នៅកិច្ចប្រជុំរបស់គណៈកម្មាធិការកណ្ដាលបក្សការងារស.ប.បកូរ៉េ កាលពីថ្ងៃទី៣១ខែធ្នូឆ្នាំ២០១៩ (រូបថត៖ Yonhap/TTXVN)

លោក Kim Jong-un បានសម្តែងការគោរពដោយសោ្មះសរនៅវិមានពន្លឺព្រះអាទិត្យ  Kumsusan ជាកន្លែងដាក់សាកសពរបស់អតីតមេដឹកនាំស.ប.បកូរ៉េទាំងពីរគឺលោក Kim Il-sung និងលោក Kim Jong-in។

សកម្មភាពនេះត្រូវបានប្រារព្ធឡើងបន្ទាប់ពីមេដឹកនាំស.ប.បកូរ៉េលោក Kim Jong-un បានព្រមានពី “អំពើពិតគួរឲ្យរន្ធត់” និងគំរាមកំហែងអំពី “អាវុធយុទ្ធសាស្រ្តថ្មី” នាពេលខាងមុខនៅក្នុងកិច្ចប្រជុំពេញអង្គគណៈកម្មាធិការកណ្តាលនៃគណបក្សពលករស.ប.បកូរ៉េដែលរៀបចំឡើងក្នុងរយៈពេល ៤ ថ្ងៃចុងក្រោយនៃឆ្នាំ ២០១៩ ។ ទោះបីមានការព្រមានដ៏ខ្លាំងៗបែបនេះក៏ដោយ ប៉ុន្តែមេដឹកនាំស.ប.បកូរ៉េនៅតែបើកចំហចំពោះលទ្ធភាពចរចាដោយប្រកាសថា ការដែលស.ប.បកូរ៉េរួមផ្សំទប់ស្កាត់នុយក្លេអ៊ែរគឺអាស្រ័យលើអាកប្បកិរិយារបស់អាមេរិកនាពេលខាងមុខ៕