សកម្មភាពដ៏វិសេសវិសាល និងមានផលប្រយោជន៍ សម្រាប់កុមារក្នុងឱកាសទិវាកុមារអន្តរជាតិ
(VOVWORLD) -កុមារ៉ា កុមារីមិនត្រឹមតែបានចូលរួមសកម្មភាព លែងល្បែងកម្សាន្តដ៏ទាក់ទាញជាច្រើនប៉ុណ្ណោះទេ ថែមទាំងទទួលបានកាដូពិសេសពីក្រុមហ៊ុន Vietjet Air ផងដែរ។
 ទិដ្ឋភាពនៃឱកាសទិវាកុមារអន្តរជាតិ |
ក្នុងឱកាសទិវាកុមារអន្តរជាតិ (ថ្ងៃទី ១ ខែមិថុនា) ក្រុមហ៊ុនអាកាសចរណ៍ Vietjet Air បានរៀបចំសកម្មភាពដ៏វិសេសវិសាលជាច្រើនជូនកុមារ។ អបអសាទរវិស្សមកាល Vietjet បានរៀបចំកម្មវិធីសិល្បៈ ដោយចំណងជើងថា " ក្តីសុបិនរបស់កុមារ " ដោយឥតគិតថ្លៃជូនកុមារនៅរោងមហោស្រពយុវវ័យទីក្រុងហាណូយ ចាប់ពីថ្ងៃទី១ ខែមិថុនា ជារៀងរាល់សប្ដាហ៍។ ក្នុងឱកាសនេះ កុមារ៉ា កុមារីមិនត្រឹមតែបានចូលរួមសកម្មភាព លែងល្បែងកម្សាន្តដ៏ទាក់ទាញជាច្រើនប៉ុណ្ណោះទេ ថែមទាំងទទួលបានកាដូពិសេសពីក្រុមហ៊ុន Vietjet Air ផងដែរ។
នាថ្ងៃទី ២ ខែ មិថុនា នៅទីក្រុងហាណូយ ស្ថានទូតអ៊ីស្រាអែលប្រចាំនៅវៀតណាមបានរួមសហការជាមួយវិមានកុមារទីក្រុងហាណូយរៀបចំមហោស្រពកុមារ អ៊ីស្រាអែលឆ្នាំ ២០១៩ ។ ព្រឹត្តិការណ៍នេះបាននាំមកនូវឱកាសលែងកម្សាន្ត ជួបប្រាស្រ័យ និងសិក្សារៀនសូត្រសម្រាប់កុមារ នៅបុរីកុមារ SOS និងមជ្ឈមណ្ឌលអប់រំ និងជួយឧបត្ថម្ភកុមារខេត្ត Thai Nguyen៕