(VOV)_នាថ្ងៃទី ២៦ កញ្ញា ​រដ្ឋមន្ត្រីក្រសួងការបរទេសវៀតណាម ​លោក Pham Binh Minh បានអញ្ជើញចូលរួមសន្និសីទរដ្ឋមន្ត្រីក្រសួង​ការបរទេសអាស៊ាន មិនផ្លូវការ ( IAMM) ដែលបានរៀបចំឡើងនៅខាងក្រៅ​មហាសន្និបាត អង្គការសហប្រជាជាតិ លើកទី ៦៨ ​នៅ New York (អាមេរិក) ​ដើម្បីត្រៀមរៀបចំអោយសន្និសីទជន់ខ្ពស់អាស៊ាន លើកទី​២៣ និង សន្និសីទ​ជាន់​ខ្ពស់ទាក់ទិននានា ដែលគ្រោង​នឹងប្រព្រឹត្តទៅ ពីថ្ងៃទី ៨-៩តុលា នៅប្រុយណេ។ 

រដ្ឋមន្ត្រីការបរទេស Pham Binh Minh ()

          នាថ្ងៃនេះដែរ រដ្ឋមន្ត្រីការបរទេស Pham Binh Minh បានអញ្ជើញ​ចូល​រួម​កិច្ចប្រជុំ រវាងបណ្ដារដ្ឋមន្ត្រីការបរទេសអាស៊ាន ជាមយយអគ្គលេខាធិការ​អង្គការសហប្រជាជាតិ និងប្រធានមហាសន្និបាត អង្គការសហប្រជាជាតិ ​ដើម្បីបូកសរុប និងពិភាក្សាអំពី ការជំរុញកិច្ចសហប្រតិបត្តិការអាស៊ាន-អង្គការ​សហប្រជាជាតិ ដែលក្នុងនោះមានការលាតត្រដាងអនុវត្តទំនាក់ទំនងដៃគូលើគ្រប់វិស័យរវាងភាគីទាំងពីរ ​។ ថ្លែងមតិនៅ​ទីនេះ រដ្ឋមន្ត្រីការបរទេស Pham Binh Minh បានវាយតំលៃ​ខ្ពស់ចំពោះកិច្ច​សហប្រតិបត្តិការរវាងអាស៊ានជាមួយអង្គការសហប្រជាជាតិ​ពេលកន្លងទៅ។ អំពីសភាពការណ៍ក្នុងតំបន់ រដ្ឋមន្ត្រីបានចាត់ទុកថា÷ ភាគីទាំងលាយ​ត្រូវខំប្រឹងប្រែងជំរុញសន្តិភាព សន្តិសុខ ស្ថិរភាព សុវត្ថិភាពនាវាចរណ៍នៅក្នុងតំបន់ ដោយផ្អែកទៅលើច្បាប់អន្តរជាតិ និងអនុសញ្ញាអំពីច្បាប់សមុទ្រ ១៩៨២…។ល។

          ក៏ក្នុងថ្ងៃទី ២៦ កញ្ញានេះដែរ រដ្ឋមន្ត្រីការបរទេស Pham Binh Minh ក៏​បាន​មានជំនួបសន្ទនាជាមួយរដ្ឋមន្ត្រីការបរទេសនៃប្រទេសមួយចំនួន​​ផងដែរ៕