(VOVworld) - នាថ្ងៃទី២៥ កញ្ញា នៅខាងក្រៅនៃមហាសន្និបាតអ.ស.បនៅទីក្រុង
ញូយ៉ក អាមេរិក ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសវៀតណាម
លោក Pham Binh Minh  បានមានជំនួបសន្ទនាទ្វេភាគីជាមួយរដ្ឋមន្ត្រីក្រសួងការ
បរទេសរបស់ ទួរគីប៊ុលហ្ការី ម៉ាសេដូន វីណេហ្សួអេឡា និងហ្គែណាដា។
នៅបណ្ដាជំនួបនេះ លោក Pham Binh Minh បានសង្កត់ធ្ងន់ថា វៀតណាមមានគោល
បំណងជំរុញខ្លាំងថែមទៀតទំនាក់ទំនងទ្វេភាគីជាមួយប្រទេសទាំងអស់នេះលើ
គ្រប់វិស័យ។លោក Pham Binh Minh ក៏បានលើកឡើងច្បាស់នូវការខំប្រឹងប្រែង
របស់វៀតណាមក្នុងការដោះស្រាយបញ្ហាសកលលោកនានា ហើយស្នើរឲ្យ
បណ្ដាប្រទេសនេះគាំទ្រវៀតណាមក្នុងការឈរឈ្មោះក្នុងក្រុមប្រឹក្សាសេដ្ឋកិច្ច
សង្គមនៃអ.ស.បអាណតិ្ត២០១៦-២០១៨ ក្រុមប្រឹក្សាសន្តិសុខអាណតិ្ត២០២០-
២០២១ និងក្រុមប្រឹក្សាប្រតិបតិ្តUNESCO អាណតិ្ត២០១៥-២០១៩។
ចំពោះទួរគី លោក Pham Binh Minh បានស្នើរឲ្យរដ្ឋាភិបាលនៃប្រទេសនេះ ត្រួត
ពិនិត្យលុបចោលបណ្ដាវិធានការការពារ និងពន្ធប្រឆាំងការបង្ខូចតំលៃទៅលើ
ផលិតផលស្បែកជើង កាត់ដេរបស់វៀតណាម ព្រមទាំង បន្តបង្កលក្ខណៈងាយ
ស្រួល និងបង្កើនការទទួលពលករវៀតណាម។

ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាមលោក Pham Binh Minh (ខាងស្ដាំ) ក្នុងជំនួបសន្ទនាទ្វេភាគីជាមួយរដ្ឋមន្រ្តីការបរទេសទួរគីលោក Mevlut Cavusoglu (រូបថត៖TTXVN)

ចំពោះប៊ុលហ្គារី លោក Pham Binh Minh បានស្នើរថា បន្តជំរុញការសម្រេចកិច្ច
ចរចារអំពីកិច្ចព្រមព្រៀងពាណិជ្ជកម្មសេរី (FTA) រវាងវៀតណាមនិងEUក្នុងឆ្នាំ
២០១៤ ក៏ដូចជាការដែល EU ឆាប់ទទួលស្គាល់បទកំណត់សេដ្ឋកិច្ចទីផ្សាររបស់
វៀតណាមផងដែរ។
ចំពោះម៉ាសេដូន លោក Pham Binh Minh បានស្នើរឲ្យប្រទេសនេះបង្កើនបរិមាណ
អាហាររូបករណ៍សំរាប់និសិត្សវៀតណាម។
ចំពោះវីណេហ្សួឡា លោក Pham Binh Minh បានស្នើរឲ្យប្រទេសនេះបង្កលក្ខណៈ
ងាយស្រួលនិងជួយដោះស្រាយរាល់ការលំបាកនៃគម្រោងសហប្រតិបតិ្តការ
ប្រេងឧស្ម័នរបស់វៀតណាមនៅវីណេហ្សួឡា។
ចំពោះហ្គែណាដា លោក Pham Binh Minh បានអះអាងថា វៀតណាមយកចិត្តទុក
ដាក់ដល់ទំនាក់ទំនងមិត្តភាពប្រពៃណីជាមួយហ្គែណាដា និងស្នើរឲ្យប្រទេស
ទាំង២ជំរុញកិច្ចសហប្រតិបតិ្តការសេដ្ឋកិច្ចពាណិជ្ជកម្មថែមទៀត។
នាថ្ងៃដ៏ដែល លោក Pham Binh Minh ក៏បានជួបសន្ទនានិងផ្លាស់ប្ដូមតិយោបល់
ជាមួយអ្នកប្រាជ្ញមួយចំនួននៃសកលវិទ្យាល័យ Harvard។លោក បានស្នើរឲ្យ
បណ្ដាអ្នកប្រាជ្ញទាំងនេះ បង្កើនការផ្លាស់ប្ដូរជាមួយស្ថាប័នស្រាវជ្រាវនានានៃ
វៀតណាម ជាពិសេសគឺ អំពីបញ្ហាសេដ្ឋកិច្ចម៉ាក្រូបទពិសោធន៍ក្នុងការរៀបចំ
រចនាសម្ព័ន្ធខឿនសេដ្ឋកិច្ចឡើងវិញនិង អភិវឌ្ឍន៍យ៉ាងចីរភាព៕