សហរដ្ឋអាមេរិក ជប៉ុន និងហ្វីលីពីន បានចេញសេចក្តីថ្លែងការណ៍រួមមួយ បន្ទាប់ពីកិច្ចប្រជុំកំពូលត្រីភាគី។ រូបថត៖ Nikkei

ក្រោយពីកិច្ចប្រជុំ ភាគីនានាបានចេញសេចក្ដីថ្លែងការណ៍ចក្ខុវិស័យរួមរវាងប្រទេសទាំង ៣។ កិច្ចប្រជុំកំពូលនេះមានការចូលរួមរបស់ប្រធានាធិបតីអាមេរិក លោក Joe Biden ប្រធានាធិបតីហ្វីលីពីន លោក Ferdinand Marcos និងនាយករដ្ឋមន្ត្រីជប៉ុនលោក Kishida Fumio ។

សេចក្តីថ្លែងការណ៍រួម សហរដ្ឋអាមេរិក-ជប៉ុន-ហ្វីលីពីនបានសង្កត់ធ្ងន់លើការប្តេជ្ញាចិត្តរួមស្ដីពីតំបន់ឥណ្ឌូប៉ាស៊ីហ្វិកសេរីភាព និងបើកចំហ តភ្ជាប់ វិបុលភាព សុវត្ថិភាព បរិយាប័ន្ន និងពឹងផ្អែកលើខ្លួនឯង។ ថ្នាក់ដឹកនាំនៃប្រទេសទាំង ៣ បានអះអាងពីការគាំទ្រមជ្ឈភាព និងឯកភាពរបស់អាស៊ាន ក៏ដូចជាចក្ខុវិស័យឥណ្ឌូប៉ាស៊ីហ្វិករបស់អាស៊ានផងដែរ។សេចក្តីថ្លែងការណ៍រួមក៏បានសង្កត់ធ្ងន់ទៅលើការគាំទ្រតំបន់ឥណ្ឌូប៉ាស៊ីហ្វិកប្រកបដោយសន្តិភាព ស្ថិរភាព និងផ្អែកលើច្បាប់។