សេចក្តីថ្លែងការណ៍រួមវៀតណា-កម្ពុជា
 |
| ប្រធានរដ្ឋវៀតណាមលោក Truong Tan Sang ក្នុងជំនួបមុខជាមួយអង្គភាពអាជីវកម្មចំណុះសមាគមវិនិយោគិនវៀតណាមទៅកម្ពុជា (AVIC) (VOV) |
Vovworld-បញ្ចប់ដំណើរទស្សនកិច្ចនៅកម្ពុជារបស់ប្រធានរដ្ឋវៀតណាមលោក
Truong Tan Sang ភាគីទាំងពីរបានចេញសេចក្តីថ្លែងការណ៍រួមរវាងសាធារណៈរដ្ឋ
សង្គមនិយមវៀតណាមនិងព្រះរាជាណាចក្រកម្ពុជា។
ក្នុងរយៈពេលបំពេញទស្សនកិច្ចនៅកម្ពុជាលោក ប្រធានរដ្ឋTruong Tan Sang
បានថ្វាយបង្គំគាល់ព្រះបាតសម្ដេចព្រះបរមនាថនរោត្តមសីហមុនី ជួបសន្ទនាជា
មួយសម្ដេចហេងសំរិន ប្រធានរដ្ឋសភានិងសម្ដេចតេជោហ៊ុនសែននាយករដ្ឋមន្ត្រី
រដ្ឋាភិបាលជាដើម។ នៅបណ្ដាជំនួបសន្ទនាភាគីទាំងពីរបានផ្លាស់ប្តូរមតិអំពី
ទំនាក់ទំនងមិត្តភាពនិងសហប្រតិបត្តិការលើគ្រប់វិស័យរវាងវៀតណាមកម្ពុជា
និងបញ្ហាអន្តរជាតិដំបន់ដែលភាគីទាំង២យកចិត្តទុកដាក់ដូចគ្នា។ ភាគីទាំងពីសម្ដែង
ការសប្បាយរីករាយអំពីការអភិវឌ្ឍន៍ដ៏ល្អប្រសើរនៃទំនាក់ទំនងជិតខាងមិត្តភាពនិង
សហប្រតិបត្តិការលើគ្រប់វិស័យរវាងវៀតណាមនិងកម្ពុជានាពេលកន្លងមក នាំមក
ផលប្រយោជន៍ជាក់ស្ដែងសំរាប់ប្រជាជននៃប្រទេសទាំងពីរតាមទិសស្លោក ជិត
ខាងល្អ មិត្តភាពជាប្រពៃណី សហប្រតិបត្តិការលើគ្រប់វិស័យ ចីរភាពយូរអង្វែង
អនុវត្តដ៏ពេញលេញគោលការណ៍ដែលបានលើកឡើងក្នុងសេចក្តីថ្លែងការណ៍រួម
វៀតណាម-កម្ពុជាឆ្នាំ១៩៩៩-២០០៥-២០០៩និង២០១១ គោរពឯករាជ្យអធិបតេយ្យ
ភាពនិងបូរណភាពដែនដីរបស់គ្នា មិនជ្រៀតជ្រែកចូលកិច្ចការផ្ទៃក្នុងរបស់គ្នានិងមិន
ឲ្យកំលាំងអមិត្តណាមួយប្រើប្រាស់ដែនដីរបស់ខ្លួនគំរាមកំហែងទៅលើសន្តិសុខ
របស់ប្រទេសជិតខាង ដោះស្រាយបញ្ហាកើតមានឡើងរវាងប្រទេសទាំងពីរដោយ
សន្តិវិធី។ ភាគីទាំងពីរបានឯកភាពពិនិត្យគោលនយោបាយសំដៅខំប្រឹងប្រែងនាំ
តំលៃប្រាក់ពាណិជ្ជកម្មរវាងប្រទេសទាំងពីរទទួលបានគោលដៅ៥ពាន់លានដុល្លារ
អាមេរិកនាឆ្នាំ២០១៥និងបន្តកើនឡើងក្នុងប៉ុន្មានជាបន្ត។ ភាគីទាំងពីរអះអាងឡើង
វិញបន្តអនុវត្តប្រកបដោយប្រសិទ្ធភាពសន្ធិសញ្ញាកិច្ចព្រមព្រៀងស្ដិពីព្រំដែនរវាង
ប្រទេសទាំងពីរនិងប្តេជ្ញាសំរេចការងារបោះបង្គោលខ័ណ្ឌសីមាព្រំដែនលើដីគោក
សំដៅកសាងខ្សែព្រំដែនរវាងប្រទេសទាំងពីរក្លាយទៅជាខ្សែព្រំដែនសន្តិភាព
មិត្តភាពសហប្រតិបត្តិការនិងអភិវឌ្ឍន៍។ ថ្នាក់ដឹកនាំនៃប្រទេសទាំងពីរក៏សន្យាបន្ត
សហការចែករំលែកព័ត៌មាននិងគាំទ្រគ្នាទៅវិញទៅមកលើបណ្ដាវេទិការពហុភាគី
ដែលភាគីទាំងពីរជាសមាជិក ខំប្រឹងប្រែងពង្រឹងនិងពង្រីកសាមគ្គីភាពនិងតួនាទី
ស្នូលរបស់អាស៊ាន រួមចំណែកឲ្យសន្តិភាពសន្តិសុខស្ថិរភាពនិងអភិវឌ្ឍន៍របស់ដំបន់
គាំទ្រការដោះស្រាយជំលោះដោយសន្តិវិធីសមស្របនឹងច្បាប់អន្តរជាតិនិងកិច្ច
សន្យារបស់ដំបន់៕