ប្រធានរដ្ឋវៀតណាម លោក Nguyen Xuan Phuc និងអគ្គនាយិកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva។ (រូបថត៖ TTXVN)

ថ្លែងមតិក្នុងជំនួបជាមួយប្រធានរដ្ឋវៀតណាម លោក Nguyen Xuan Phuc នៅខាងក្រៅកិច្ចប្រជុំកំពូល APEC ២០២២ នាថ្ងៃទី ១៩ ខែវិច្ឆិកា នៅទីក្រុងបាងកក (ប្រទេសថៃ) លោកស្រីអគ្គនាយិកា IMF បានវាយតម្លៃថា សេដ្ឋកិច្ចវៀតណាមនៅតែជាចំណុចភ្លឺស្វាងក្នុងតំប ន់នៅពេលសម្រេចបានកំណើនខ្ពស់ ព្រមទាំងជាខឿនសេដ្ឋកិច្ចបើកចំហ ស្វាហាប់ ហើយមានភាពធន់នឹងជំងឺរាតត្បាត កូវីដ-១៩ផងដែរ។ យោងតាមមេដឹកនាំមូលនិធិរូបិយវត្ថុអន្តរជាតិ ការបន្តពន្លឿនកំណែទម្រង់រចនាសម្ព័ន្ធ និងការផ្លាស់ប្តូរទៅជាគំរូកំណើនបៃតង បាននាំមកនូវកម្លាំងចលករថ្មីដល់សេដ្ឋកិច្ចវៀត ណាម។ លោកស្រីអគ្គនាយិកាបានសម្ដែងគោលបំណងចង់ឱ្យវៀតណាមបន្តរួមចំណែកក្នុងរបៀបវារៈសកលស្ដីពីការផ្លាស់ប្តូរគំរូកំណើន និងការធានាខ្សែសង្វាក់ផ្គត់ផ្គង់។

គួរបញ្ជាក់ថា នៅក្នុងរបាយការណ៍បច្ចុប្បន្នភាពដែលបានចេញផ្សាយនៅពាក់កណ្តាលខែតុលាកន្លងទៅ IMF បានតម្លើងការព្យាករណ៍សម្រាប់កំណើន GDP របស់វៀតណាមក្នុងឆ្នាំ ២០២២ ដោយ ១ ភាគរយបន្ថែមទៀត បើធៀបនឹងការប្រកាសកាលពីដើមឆ្នាំ ពោលគឺឡើងដល់ ៧%។ យោងតាម IMF ការដកវិធានការរឹតត្បិតប្រឆាំងជំងឺរាតត្បាតកូវីដ-១៩ តម្រូវការខ្លាំងក្លាពីដៃគូពាណិជ្ជកម្ម ការអនុវត្តកម្មវិធីស្តារឡើងវិញក្នុងវិស័យផលិតកម្ម ការលក់រាយ សេវាកម្ម ទេសចរណ៍ និងការគ្រប់គ្រងអតិផរណាបានយ៉ាងល្អ គឺជាកត្តាដែលជួយវៀតណាមមានកំណើនគួរឲ្យចាប់អារម្មណ៍៕