ទិដ្ឋភាពនៃសន្និសីទសារព័ត៌មាន

ធ្វើការវាយតម្លៃនូវលទ្ធផលសំខាន់បំផុតនៃមហាសន្និបាត ASOSAI 14 ប្រធានគណៈ កម្មាធិការសវនកម្មនិងអធិការកិច្ចកូរ៉រខាងត្បូងនិងជាអគ្គលេខាធិការ ASOSAI អាណត្តិ២០១៥-២០១៨ លោក Choe Jeahyeong បានលើកឡើងថា ជោគជ័យធំបំផុតនៃមហាសន្និបាត ASOSAI 14 គឺបានអនុម័តសេចក្តីថ្លែងការណ៍ទីក្រុងហាណូយ។ រួមជាមួយគ្នានោះ ស្ថាប័នសវនកម្មកំពូល (SAI) វៀតណាម ក៏ទទួលបានជោគជ័យ ក្នុងការត្រៀមរៀបចំមហាសន្និបាត ASOSAI លើកនេះ ជាមហាសន្និបាតមានកម្រិតអន្តរជាតិ។ យោងតាមលោក Choe ក្នុងនាមជាប្រធានថ្មីរបស់ ASOSAI, SAI វៀត ណាមត្រូវជាអ្នកត្រួសត្រាយផ្លូវក្នុងការជម្រុញកិច្ចសហប្រតិបត្តិការរវាង SAI សមា ជិកនានារបស់ ASOSAI ដើម្បីអាចអនុវត្តប្រកបដោយជោគជ័យនូវគោលដៅនៃសេចក្តីថ្លែងការណ៍ហាណូយក៏ដូចជារាល់គោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ  ព្រមទាំងជម្រុញដំណើរការប្រតិបត្តិតម្លាភាព របស់សមាជិក SAI នីមួយៗ។ លោក Choe Jaehyeong បានសម្តែងក្តីសង្ឃឹមថា ប្រធាន ASOSAI - ស្ថាប័នសវនកម្មរដ្ឋវៀតណាមនឹងដើរតួនាទីសំខាន់ក្នុងសហគមន៍ ASOSAI កុំបី ខាន។

មតិជាច្រើនសុទ្ធតែបានឯកភាពថា មហាសន្និបាត ASOSAI លើកទី១៤នេះជាសម័យប្រជុំប្រកបដោយជោគជ័យ បង្កើតឱកាសសម្រាប់សមាជិកទាំងអស់ផ្លាស់ប្តូរ បទពិសោធន៍និងចំណេះដឹងលើវិស័យផ្សេងៗគ្នានៃសវនកម្មសាធារណៈ ជាពិសេស គឺសវនកម្មបរិស្ថាន ដោយឆ្ពោះទៅការអភិវឌ្ឍប្រកបដោយចីរភាព រួមទាំង អនុវត្តន៍ផែនការយុទ្ធសាស្ត្រ ASOSAI ដំណាក់កាល ២០១៦-២០២១។ លោកស្រី Hu Zejun អគ្គសវកររដ្ឋចិននិងជាអគ្គលេខាធិការ ASOSAI អាណត្តិ២០១៨-២០២១ បានចែករំលែកថា៖ “ASOSAI កំពុងដើរតួនាទីកាន់សំខាន់ក្នុងតំបន់ ជាមួយនឹងទិសដៅអភិវឌ្ឍន៍មានចរិតលក្ខណៈយុទ្ធសាស្ត្រ។ ក្នុងមហាសន្និបាតលើកនេះ យើងខ្ញុំបានអនុម័តសេចក្តីថ្លែងការណ៍ទីក្រុងហាណូយនិងឯកសារសំខាន់ៗជាច្រើនទៀត សំដៅជម្រុញការអភិវឌ្ឍរបស់ ASOSAI នាពេលអនាគត ក៏ដូចជាការសម្របសម្រួលរបស់ SAI សមាជិកនានា។ យើងនឹងរួមគ្នា សិក្សារៀនសូត្រនិងចែករំលែកបទពិសោធន៍ពីគ្នាទៅវិញទៅមក ដើម្បីឆ្ពោះទៅគោលដៅអភិវឌ្ឍន៍ប្រក្រដោយចីរភាពនិងការអភិ វឌ្ឍរបស់ប្រទេសជាសមាជិកនានា”។

ក៏នៅក្នុងសន្និសីទសារព័ត៌មាននេះ លោកស្រី Madinad Binti Mohamad អគ្គសវនកររដ្ឋម៉ាឡេស៊ីនិងជាអតីត ASOSAI បានអះអាងថា ក្នុងនាមជាប្រធាន ASOSAI អាណត្តិ២០១៨-២០២១ សង្ឃឹមថា វៀតណាមនឹងអនុវត្តន៍ល្អតួនាទីជាអ្នកដឹកនាំរបស់ខ្លួន ជួយសហគមន៍ ASOSAI អនុវត្តន៍ជាក់ស្តែងរាល់ទិសដៅអភិវឌ្ឍន៍និងបើកចេញនូវគំនិតផ្តួចផ្តើមនិងវិធានការថ្មី ដើម្បីកសាង ASOSAI មួយកាន់តែអភិវឌ្ឍន៍មាំមួនពីមួយថ្ងៃទៅមួយថ្ងៃ៕