ទិដ្ឋភាពនៃសន្និសីទ

ក្រោយរយៈពេលប្រាំឆ្នាំនៃការរៀបចំរចនាសម្ព័ន្ធឡើងវិញនោះ វិស័យកសិកម្មទទួលបានលទ្ធផលល្អគួរឲ្យកត់សម្គាល់។  ផលិតកម្មកសិកម្មត្រូវបានផ្លាស់ប្តូរដើម្បីនាំមកនូវគុណសម្បត្តិសមស្របទៅនឹងតម្រូវការទីផ្សារនិងការបន្សាំ ទៅនឹងការប្រែប្រួលអាកាសធាតុ។ ផលិតផលកសិកម្មវៀតណាមមានវត្តមាននៅឯប្រទេសនិងតំបន់ដែនដីចំនួន ១៨០ ហើយតម្លៃប្រាក់នាំចេញទទួលបាន៣១,៥ពាន់លានដុល្លារក្នុងមួយឆ្នាំ ពោលគឺកើនឡើង ៥១,២% ប្រៀបនឹងរយៈពេល ៥ ឆ្នាំមុននេះ។

រដ្ឋមន្ត្រីក្រសួងកសិកម្មនិងអភិវឌ្ឍន៍ជនបទវៀតណាម លោក  Nguyen Xuan Cuong បានឱ្យដឹងថា៖ “បន្តការរៀបចំរចនាសម្ព័ន្ធឡើងវិញវិស័យកសិកម្មតាមរយៈការពិនិត្យឡើងវិញមុខទំនិញនីមួយៗ ដើម្បី ផ្តោតលើគ្នាក្រុមទំនិញដែលប្រទេស វៀតណាមមានឧត្តមភាពនិងក្រុមមុខទំនិញដែលពិភពលោកកំពុងមានតម្រូវការខ្ពស់។ នៅលើមូលដ្ឋាននេះ ត្រូវអនុវត្តន៍វិទ្យាសាស្ត្រនិងបច្ចេកវិទ្យានៅក្នុងដំណាក់កាលទាំងអស់ ព្រមទាំងបច្ចុប្បន្នកម្មរាល់កត្តាទាន់សម័យ ជាពិសេសកម្មវិធីអនុវត្តបច្ចេកវិទ្យា៤.០ ដើម្បីផលិតមុខទំនិញប្រកបដោយប្រសិទ្ធិភាពនិងចីរភាព”។

          ថ្លែងមតិនៅទីនេះឧបនាយករដ្ឋមន្រ្តី Trinh Dinh Dung បានលើកឡើងថា ការរៀបចំរចនាសម្ព័ន្ធវិស័យកសិកម្មឡើងវិញ បានចូលរួមចំណែកក្នុងការដោះស្រាយបញ្ហាមួយចំនួននៃវិស័យកសិកម្មកសិករនិងជនបទ ហើយនេះជាភារកិច្ចសំខាន់ខ្លាំងណាស់៕