សន្និសីទស្តីពីសន្តិសុខនាវាចរណ៍អន្តរជាតិលើកទី៨នៅសិង្ហបុរី៖ សហគមន៍នាវាចរណ៍រួមគ្នាធ្វើសកម្មភាពដើម្បីតំបន់សមុទ្រប្រកបដោយសុវត្ថិភាព
(VOVWORLD) - នាថ្ងៃទី ៤ ខែឧសភា បានប្រព្រឹត្តទៅសន្និសីទស្តីពីសន្តិសុខនាវាចរណ៍អន្តរជាតិ (IMSC) លើកទី៨ ក្រោមប្រធានបទ “សមុទ្រសុវត្ថិភាព និងសន្តិសុខ - ការលេចឡើងកាន់តែខ្លាំងក្លានៅពេលជាសហគមន៍នាវាចរណ៍” ដែលត្រូវបានកងទ័ពជើងទឹកសិង្ហបុរីនិងសាលាស្រាវជ្រាវអន្តរជាតិS. Rajaratnam សម្របសម្រួលរៀបចមឡើងនៅមជ្ឈមណ្ឌលតាំងពិព័រណ៍ Zhangi ប្រទេសសិង្ហបុរី។
 ទិដ្ឋភាពនៃសន្និសីទ។ រូបថត៖ qdnd.vn |
គណៈប្រតិភូវៀតណាមដឹកនាំដោយលោកឧត្តមនាវីបំរុង Nguyen Dinh Hung មេបញ្ជាការរងកងទ័ពជើងទឹកបានចូលរួមសន្និសីទនេះ។
សន្និសីទនេះ រួមមានសម័យពិភាក្សាចំនួន ៣ លើប្រធានបទ៖ ផលប៉ះពាល់នៃបម្រែបម្រួលភូមិសាស្ត្រនយោបាយចំពោះសន្តិសុខនាវាចរណ៍; វិធីសាស្រ្ត សម្រាប់ស្ថាប័ននាវាចរណ៍អាចពង្រឹងសន្តិភាព និងស្ថិរភាព; កិច្ចសហប្រតិបត្តិការក្នុងបរិយាកាសនាវាចរណ៍នាពេលអនាគត។
លើសពីនេះទៅទៀត IMSC ក៏មានសម័យប្រជុំពិសេសមួយក្រោមប្រធានបទ "កែសម្រួលតួនាទីរបស់សហគមន៍ចំពោះការគំរាមកំហែងនាវាចរណ៍ដែលកំពុងកើនឡើង" ដោយពិភាក្សាអំពីតួនាទីរបស់កងកម្លាំងការពារឆ្នេរសមុទ្រ និងទីភ្នាក់ងារអនុវត្តច្បាប់នៅសមុទ្រ។ នៅក្នុងសម័យពិភាក្សា បណ្ដាអ្នកប្រាជ្ញបានសង្កត់ធ្ងន់ពិសេសលើសារសំខាន់របស់ស្ថាប័នអនុវត្តច្បាប់សមុទ្រ ក្នុងការធានាសន្តិសុខ សុវត្ថិភាពនាវាចរណ៍ ជំរុញតំបន់សមុទ្រប្រកបដោយសុវត្ថិភាព។ IMSC ឆ្នាំនេះ ជាលើកដំបូងមានវត្តមានរបស់វាគ្មិនមកពីស្ថាប័នអនុវត្តច្បាប់សមុទ្រ និងកងកម្លាំងការពារឆ្នេរសមុទ្រ៕