សន្និសីទសន្តិសុខក្រុង Munich៖ អង្គការសហប្រជាជាតិ អំពាវនាវឱ្យកសាងសណ្តាប់ធ្នាប់ពិភពលោកថ្មីមួយ
(VOVWORLD) - ថ្លែងនៅក្នុងសន្និសីទសន្តិសុខទីក្រុង Munich (អាល្លឺម៉ង់) កាលពីថ្ងៃទី ១៦ ខែកុម្ភៈ អគ្គលេខាធិការអង្គការសហប្រជាជាតិ លោក Antonio Guterres បានបញ្ជាក់ថា ពិភពលោកកំពុងប្រឈមមុខនឹងបញ្ហាប្រឈមជាក់ស្តែង ប៉ុន្តែសហគមន៍អន្តរជាតិមានការបែកបាក់គ្នាយ៉ាងជ្រាលជ្រៅបំផុតក្នុងរយៈពេល ៧៥ ឆ្នាំកន្លងទៅ។
ប្រមុខអង្គការសហប្រជាជាតិបានសង្កត់ធ្ងន់លើតម្រូវការក្នុងការកសាង "សណ្តាប់ធ្នាប់ពិភពលោកថ្មីមួយដែលដំណើរការដើម្បីមនុស្សទាំងអស់" ។ ប្រសិនបើបណ្តាប្រទេសបំពេញកាតព្វកិច្ចអន្តរជាតិរបស់ខ្លួនក្រោមធម្មនុញ្ញអង្គការសហប្រជាជាតិ ប្រជាជនទាំងអស់នៅលើពិភពលោកអាចរស់នៅដោយសន្តិភាព។
 អគ្គលេខាធិការអង្គការសហប្រជាជាតិ លោក Antonio Guterres ថ្លែងមតិក្នុងសន្និសីទសន្តិសុខទីក្រុង Munich ថ្ងៃទី ១៦ ខែកុម្ភៈ ឆ្នាំ ២០២៤ ។ រូបថត៖ EPA |
លោក Guterres បានឲ្យដឹងថា ស្ថានភាពនៅតំបន់ហ្គាហ្សាបានបង្ហាញយ៉ាងច្បាស់អំពីភាពជាប់គាំងក្នុងទំនាក់ទំនងពិភពលោក ហើយកម្រិតនៃការស្លាប់និងរងរបួស ក៏ដូចជាការបំផ្លិចបំផ្លាញរបស់ជម្លោះនៅទីនេះពិតជាគួរឱ្យតក់ស្លុតណាស់។ ដោយសំដៅទៅលើជម្លោះរវាងរុស្ស៊ី និងអ៊ុយក្រែន ប្រមុខអង្គការសហប្រជាជាតិបានសង្កត់ធ្ងន់ថា "ត្រូវការសន្តិភាពប្រកបដោយនិរន្តរភាព និងយុត្តិធម៌សម្រាប់អ៊ុយក្រែន រុស្ស៊ី និងពិភពលោក”៕