ទាហានអាមេរិកនិងកូរ៉េខាងត្បូងចូលរួមសមយុទ្ធរួមគ្នារនៅ Pohang (កូរ៉េខាងត្បូង)

ថ្លែងមតិនៅក្នុងសន្និសីទកាសែត បន្ទាប់ពីជំនួបចរចាជាមួយរដ្ឋមន្ត្រីការបរទេសអាម៉េរិកលោក Mike Pompeo និងសមភាគីជប៉ុន លោក Taro Kono នាថ្ងៃទី ១៤ មិថុនា រដ្ឋមន្រ្តីការបរទេសកូរ៉េខាងត្បូងលោក Kang Kyung-wha បានឲ្យដឹងថា៖ រាល់ការធ្វើសមយុទ្ធរួមរវាងអាមេរិក និងកូរ៉េខាងត្បូងគឺជាបញ្ហា រវាងប្រទេសជាសម្ព័ន្ធមិត្តទាំងពីរ ហើយត្រូវបានសម្រេច តាមរយៈការពិគ្រោះយោបល់រវាងមជ្ឈដ្ឋានមន្រ្តីយោធានៃភាគីទាំងពីរ។ សេចក្ដីប្រកាសពោលខាងលើត្រូវបានចាត់ទុកថាជាការតបតវិញចំពោះសេចក្ដីប្រកាសរបស់ ប្រធានាធិបតីអាមេរិក លោក Donald Trump  បន្ទាប់ពីជំនួបកំពូលរវាងអាមេរិក និងកូរ៉េខាងជើងនៅសិង្ហបុរីកាលពីថ្ងៃទី ១២ មិថុនាដែលថា៖លោកចង់បញ្ឈប់រាល់ការធ្វើសមយុទ្ធរួមជាមួយកូរ៉េខាងត្បូង ក្នុងរយៈពេលប្រព្រឹតទៅកិច្ចសន្ទនាសុច្ឆ័ន្ទៈជាមួយ ស.ប.ប.ក ដោយចាត់ទុកថា៖សកម្មភាពនេះ "មិនសមស្របនិងមានចរិតលក្ខណៈបង្ករឿងហេតុ" ។

ទោះជាយ៉ាងណាក៏ដោយ ថ្លែងមតិទៅកាន់មជ្ឈដ្ឋានសារព័ត៌មាននៅសេអ៊ូល រដ្ឋមន្រ្តីការបរទេសលោក Pompeo បានពន្យល់ថា៖ លោក Trump បានអះអាងថារាល់ការធ្វើសមយុទ្ធយោធានឹងត្រូវ "ជាប់គាំង" ដោយលក្ខខ័ណ្ឌថាកិច្ចចរចាជាមួយព្យុងយ៉ាងប្រព្រឹត្តិទៅដោយសុច្ឆ័ន្ទៈនិងមានប្រសិទ្ធភាព។ ទន្ទឹមនឹងនេះ មជ្ឈដ្ឋានមន្ត្រីការពារជាតិអាមេរិកកំពុងពិចារណាអំពីវិធីសមស្រប សំដៅធានាថាកងកម្លាំងអាមេរិកឈរជើងនៅកូរ៉េខាងត្បូងនៅតែអាចត្រូវបានហ្វឹកហាត់យ៉ាងពេញលេញនិងត្រៀមខ្លួនជាស្រេចផងដែរ៕