សេរីភាពនាវាចរណ៍និងអាកាសចរណ៍នៅសមុទ្រខាងកើតកំពុងត្រូវគំរាមកំហែង
 |
| សេរីភាពនាវាចរណ៍និងអាកាសចរណ៍នៅសមុទ្រខាងកើតកំពុងត្រូវគំរាមកំហែង (VOV) |
Vovworld-សេរីភាពនាវាចរណ៍និងអាកាសចរណ៍នៅសមុទ្រខាងកើតកំពុង
ត្រូវគំរាមកំហែង។ នេះជាសេចក្តីព្រមានរបស់ឧបការីរដ្ឋមន្ត្រីការបរទេសអាមេរិក
លោក Daniel Russel នៅសន្និសីទកាសែតនៅក្រុងវ៉ាស៊ីនតោននាព្រឹកថ្ងៃទី១៩
មិថុនា(តាមម៉ោងវៀតណាម)ស្ដីពីការសន្ទនាយុទ្ធសាស្ត្រនិងសេដ្ឋកិច្ចប្រចាំឆ្នាំនា
ពេលខាងមុខរវាងអាមេរិកនិងចិន(នឹងប្រព្រឹត្តទៅនៅទីក្រុងវ៉ាស៊ីនតោនចាប់ពីថ្ងៃទី២២ដល់២៤មិថុនា)។ លោក Russel បានឲ្យដឹងថា ក្នុងការសន្ទនាលើកទី៧
ខាងមុខ អាមេរិកនិងចិននឹងពិភាគ្សាទៅលើបញ្ហាសេដ្ឋកិច្ចសន្តិសុខនិងជួប
ប្រាស្រ័យប្រជាជន។
ឆ្លើយសំនួរស្ដីពីលទ្ធភាពប្រឈមមុខយោធារវាងអាមេរិកនិងចិននៅសមុទ្រ
ខាងកើត ឧបការីរដ្ឋមន្ត្រីការបរទេសអាមេរិកបានអះអាងថា អាមេរិកជានិច្ចកាល
តាមដានគោលនយោបាយជៀសវៀងការប្រឈមមុខយោធាជាមួយបណ្ដា
ប្រទេស។ លោកDaniel Russel បានលើកច្បាស់ថា សមុទ្រខាងកើតជាសារវន្តមិន
មែនជាបញ្ហារវាងអាមេរិកនិងចិន វាគឺជាបញ្ហារវាងចិននិងបណ្ដាប្រទេសដែល
ទាមទាអធិបតេយ្យភាពផ្សេងៗ រវាងចិននិងអាស៊ាន ក៏ដូចជារវាងចិននិងច្បាប់
អន្តរជាតិ។
“នៅទីនេះមានគោលការណ៍មួយចំនួន ទីមួយគឺទំនាក់ទំនងល្អ។ អាមេរិកចង់
ឲ្យចិនមានទំនាក់ទំនងល្អជាមួយប្រទេសជិតខាងទាំងអស់ដ៏ដូចជាជាមួយអាមេរិក។
គោលការណ៍ជាបន្តគឺសេរីភាពអាកាសចរន៍នាវាចរណ៍ប៉ុន្តែគោលការណ៍នេះកំពុង
ត្រូវគំរាមកំហែងនៅសមុទ្រខាងកើត។”
មុននោះនាថ្ងៃទី១៨មិថុនា សិក្ខាសាលាអន្តរជាតិលើកទី២ដោយប្រធានបទ
សន្តិសុខនិងសហប្រតិបត្តិការនៅសមុទ្រខាងកើត រាល់បញ្ហាបន្ទាន់និងដោះស្រាយ
ជំលោះ បានបើកនៅក្រុងម៉ូស្គូសហព័ន្ធរុស្ស៊ី។ សិក្ខាសាលាបានទាក់ទាញការយក
ចិត្តទុកដាក់របស់អ្នកវិទ្យាសាស្ត្រល្បីឈ្មោះលើពិភពលោក អ្នកវិទ្យាសាស្ត្ររុស្ស៊ីជា
ច្រើនកុះករ។ ថ្លែងមតិបើកសិក្ខាសាលា សាស្ត្រាចារ្សបណ្ឌិតវិទ្យាសាស្ត្រ Dmitri
Mosyakov នាយកស្ដីទីវិទ្យាស្ថានបូព៌ាសាស្ត្រ-សាលាសភាបណ្ឌិតវិទ្យាសាស្ត្ររុស្ស៊ី
បានឲ្យដឹងថា ប្រធានបទនិងខ្លឹមសារពិភាគ្សានៅសិក្ខាសាលាគឺសំខាន់និងចាំបាច់
ខណៈដែលស្ថានភាពនៅសមុទ្រខាងកើតនៅតែតានតឹងនិងអស្ថិរភាព។ សាស្ត្រាចារ្ស
Mosyakov បានសង្កត់ធ្ងន់ថា ជំលោះអធិបតេយ្យភាពនៅសមុទ្រខាងកើតត្រូវបាន
ដោះស្រាយដោយសន្តិវិធីគោរពច្បាប់អន្តរជាតិ ពិសេសគឺអនុសញ្ញាអង្គការ
សហប្រជាជាតិស្ដីពីច្បាប់សមុទ្រឆ្នាំ១៩៨២និងកិច្ចព្រមព្រៀងដែលទទួលបាន៕