ស្វែងរកដំណោះស្រាយដើម្បីអនុវត្តកិច្ចព្រមព្រៀង EVFTA និង EVIPA ប្រកបដោយប្រសិទ្ធភាព
(VOVWORLD) - នាថ្ងៃទី ៨ ខែតុលា គណៈកម្មាធិការដឹកនាំសមាហរណកម្មអន្តរជាតិខេត្ត Ca Mau បានសហការជាមួយសភាពាណិជ្ជកម្មនិងឧស្សាហកម្មវៀតណាម សាខា Can Tho (VCCI Can Tho) រៀបចំសន្និសីទមួយក្រោមប្រធានបទ “EVFTA, EVIPA - ឱកាស បញ្ហាប្រឈមនិងដំណោះស្រាយសម្រាប់ការអនុវត្តប្រកបដោយប្រសិទ្ធភាព”។
 ទិដ្ឋភាពនៃសន្និសីទ (រូបថត៖ baoanhdatmui.vn) |
សន្និសីទនេះបានផ្តល់នូវដំណោះស្រាយដើម្បីទាញយកផលប្រយោជន៍ ជា អតិបរមាពីឱកាស និងកំណត់រាល់បញ្ហាប្រឈម ដោយកិច្ចព្រមព្រៀងនាំមក។ នៅទីនេះ អ្នកជំនាញមកពី VCCI និងវិទ្យាស្ថានស្រាវជ្រាវការអភិវឌ្ឍទីក្រុងហូជីមីញ បានធ្វើការណែនាំនិងវិភាគផលប៉ះពាល់បណ្តាល ពីជំងឺកូវីដ ១៩ ទៅលើសេដ្ឋកិច្ចពិភព លោក និយាយរួមនិងលើវៀតណាមនិយាយដោយឡែក។ ទន្ទឹមជាមួយគ្នានោះ ស្នើនូវដំណោះស្រាយសម្រាប់ការអនុវត្តកិច្ចព្រមព្រៀងប្រកបដោយប្រសិទ្ធភាព។
លើសពីនេះទៅទៀត កិច្ចប្រជុំក៏បានផ្តល់ព័ត៌មានថ្មីៗកាន់តែស៊ីជម្រៅអំពីស្ថានភាពសេដ្ឋកិច្ចពិភព លោកនិងដំណើរការសមាហរណកម្មអន្តរជាតិរបស់វៀតណាមក៏ដូចជាអំពីកិច្ចព្រមព្រៀង EVFTA និង EVIPA។ តាមនោះ ជួយស្ថាប័នរដ្ឋនិងសហគ្រាសនៅក្នុងខេត្ត ធ្វើគោលនយោបាយបង្កើតផែនការនិងទិសដៅសមស្របនាពេលខាងមុខ៕