បងលប្អូនអាណិកជននៅកូរ៉េខាងត្បូងទទួលស្វាគមន៍លោកប្រធានរដ្ឋ អញ្ជើញមកជួបសំណេះសំណាល (រូបថត៖  Vu Dung/VOV)

នៅក្នុងជំនួប ដែលបានប្រព្រឹត្តទៅភ្លាមៗ បន្ទាប់ពីលោកប្រធានរដ្ឋបានមកដល់ប្រទេសកូរ៉េខាងត្បូងចាប់ផ្តើមដំណើរបំពេញទស្សនកិច្ចផ្លូវរដ្ឋ លោកប្រធានរដ្ឋ Nguyen Xuan Phuc បានអះអាងថា បក្ស រដ្ឋ ជានិច្ចកាលយកចិត្តទុកដាក់និងតែងតែផ្ទៀងស្តាប់សេចក្តីប្រាថ្នារបស់ប្រជាជនវៀតណាមនៅក្រៅប្រទេស ដើម្បីចាត់វិធានការជួយឧបត្ថម្ភទាន់ពេលវេលា។ អាស្រ័យហេតុនេះ ក្នុងជំនួបជាមួយថ្នាក់ដឹកនាំកូរ៉េខាងត្បូង លោកប្រធានរដ្ឋនឹងស្នើបន្តគាំទ្រជនវៀតណាមនៅកូរ៉េខាងត្បូង; ការ ពារផលប្រយោជន៍ស្របច្បាប់របស់ប្រជាជនវៀតណាម រួមទាំងលក្ខខណ្ឌស្តីពីទិដ្ឋាការសម្រាប់និស្សិតវៀតណាម។ លោកប្រធានរដ្ឋក៏បានស្នើឱ្យលើកកំពស់បញ្ញារបស់ប្រជា ជនវៀតណាមនៅក្នុងប្រទេសអភិវឌ្ឍន៍ដូចជាកូរ៉េខាងត្បូង។

លោកប្រធានរដ្ឋ Nguyen Xuan Phuc បានថតរូបជាមួយសហគមន៍ជនវៀតណាមនៅកូរ៉េខាងត្បូង (រូបថត៖ Vu Dung/VOV)

លោកប្រធានរដ្ឋ Nguyen Xuan Phuc បានចាត់ទុកថា ដំណើរទស្សនកិច្ចនៅកូរ៉េខាងត្បូងនេះ មានសារសំខាន់ណាស់ ព្រោះប្រទេសទាំងពីរទើបបានប្រារព្ធខួបលើកទី ៣០ នៃការបង្កើតទំនាក់ទំនងការទូតរវាងប្រទេសទាំងពីរ (១៩៩២ - ២០២២) ហើយក៏ជាឱកាសដើម្បីធ្វើការឆ្ពោះទៅរកការលើកកំពស់ទំនាក់ទំនងបរទេស ផង ដែរ។ លោកប្រធានរដ្ឋបានវាយតម្លៃថា ទំនាក់ទំនងរវាងវៀតណាម និងកូរ៉េខាងត្បូងស្ថិតក្នុងដំណាក់កាលអភិវឌ្ឍន៍ល្អបំផុត និងគ្រប់ជ្រុងជ្រោយប្រកបដោយទំនុកចិត្តយ៉ាងជ្រាលជ្រៅ។ កិច្ចសហប្រតិបត្តិការប្រកបដោយប្រសិទ្ធភាព និងស៊ីជម្រៅលើគ្រប់វិស័យ៕