សហគមន៍អន្ដរជាតិអបអរសាទរចំពោះការវិឌ្ឍន៍ក្នុងទំនាក់ទំនងអន្តរកូរ៉េ

អគ្គលេខាធិការ អ.ស.ប លោក Antonio Guterres នាថ្ងៃទី ៩ មករាបាន អបអរសាទរចំពោះការវិឌ្ឍន៍រវាងកូរ៉េខាងជើង និងកូរ៉េខាងត្បូង សំដៅបន្ធូល្រាលស្ថានភាពតានតឹងផ្នែកយោធា ក៏ដូចជាអបអរសាទរចំពោះសេចក្ដីសម្រេចចិត្តរបស់ក្រុងព្រុងយ៉ាង ដែលបានចាត់បញ្ជូនគណៈប្រតិភូចូលរួម ការប្រកួតកីឡាអូឡាំពិករដូវរងារឆ្នាំ ២០១៨ នៅកូរ៉េខាងត្បូងនាខែកុម្ភៈខាងមុខ។

ក្រសួងការបរទេសអាមេរិកនាថ្ងៃទី ៩ មករា បានអបអរសាទរចំពោះជំនួបរវាងមន្ត្រីកូរ៉េខាងជើង និងកូរ៉េខាងត្បូង សំដៅធានាឲ្យបាននូវការប្រកួតកីឡារដូវរងានៅ Pyeongchang  ប្រព្រឹត្តិទៅប្រកបដោយជោគជ័យ និងសុវត្ថិភាពផងដែរ៕