ផលិតគ្រឿងបន្លាស់អេឡិចត្រូនិច (រូបថត៖ TTXVN)

បច្ចុប្បន្ននេះ មានក្រុមហ៊ុនឥណ្ឌាចំនួន ២១% ដែលមានបំណង ឬគ្រោងនឹងបង្កើតប្រតិបត្តិការនៅអាស៊ីអាគ្នេយ៍ ដែលមានផែនការពង្រីកអាជីវកម្មរបស់ខ្លួននៅក្នុងប្រទេសវៀតណាមក្នុងរយៈពេល ២ ឆ្នាំខាងមុខ។ ក្រៅពីនោះ សហគ្រាសចិនចំនួន ២៦% នៅវៀតណាម ក៏មានបំណងផ្តល់អាទិភាពដល់កំណើននៅទីនេះផងដែរ។

ទាំងនេះគឺជាលទ្ធផលមួយចំនួនដែលបានមកពីការស្ទង់មតិ “HSBC Navigator: Highlights of Southeast Asia” ដែលធ្វើឡើងដោយ HSBC ជាមួយនឹងក្រុមហ៊ុនជាង ១.៥០០ មកពីប្រទេសដែលមានសេដ្ឋកិច្ចធំជាងគេទាំង ៦ នៅលើពិភពលោក (រួមមានចិន បារាំង អាល្លឺម៉ង់ ឥណ្ឌា ចក្រភពអង់គ្លេស និងសហរដ្ឋអាមេរិក) ដែលកំពុងមានប្រតិបត្តិការ ឬមានគម្រោងប្រតិបត្តិការនៅអាស៊ីអាគ្នេយ៍នាពេលអនាគត។ ការស្ទង់មតិនេះពិនិត្យលើយោបល់របស់ធុរកិច្ចលើការធ្វើអាជីវកម្មនៅអាស៊ីអាគ្នេយ៍ ដោយផ្តោតជាពិសេសលើពាណិជ្ជកម្ម ឌីជីថលភាវូបនីយកម្ម និងការអភិវឌ្ឍនិរន្តរភាព។

បច្ចុប្បន្នមានក្រុមហ៊ុនឥណ្ឌាចំនួន ៣៩% ជ្រើសរើសវៀតណាមដោយសារតែហេដ្ឋារចនាសម្ព័ន្ធរបស់វៀតណាមមានការអភិវឌ្ឍ   ហើយចំនួន ៤៩% ដែលពេញចិត្តចំពោះការគាំទ្ររបស់រដ្ឋាភិបាល និងបរិយាកាសបទប្បញ្ញត្តិ; ក្រុមហ៊ុនអាមេរិកចំនួន ៣៦% បាននិយាយថា ទីផ្សារវៀតណាមទាក់ទាញពួកគេ ដោយសារតែមានឱកាសជាច្រើនដើម្បីសាកល្បង និងអភិវឌ្ឍផលិតផល/ដំណោះស្រាយថ្មី។

ជាពិសេស អ្នកចូលរួមការស្ទង់មតិរហូតដល់ទៅ ៤៩%   ដែលភាគច្រើនមកពីប្រទេសចិន ឥណ្ឌា និងសហរដ្ឋអាមេរិក ចង់ទាញយកផលប្រយោជន៍ពីកិច្ចព្រមព្រៀងពាណិជ្ជកម្មសេរី EU-វៀតណាម (EVFTA) ដើម្បីពង្រឹង និងគាំទ្រសកម្មភាពពាណិជ្ជកម្មរបស់ពួកគេជាមួយតំបន់៕